ପାରିବାରିକ କଳହର କରୁଣ ପରିଣତି… ପଥରରେ ଛେଚି ହତ୍ୟା ଉଦ୍ୟମ, ଦେଖନ୍ତୁ ଭିଡିଓ

ଗଞ୍ଜାମ: ଜିଲ୍ଲା ବୁଗୁଡାରେ ଅଭାବନୀୟ ଘଟଣା । ସ୍ତ୍ରୀକୁ ପଥରରେ ଛେଛିବା ସହ ଗାଁ ଦାଣ୍ଡରେ ଗୋଡେଇ ଗୋଡେଇ ପିଟିଲା ସ୍ୱାମୀ । ଏହି ଭିଡିଓ ସୋସିଆଲ ମିଡିଆରେ ବେଶ୍‌ ଭାଇରଲ ହୋଇଛି । ଗୁଗୁଡା ଥାନା ତାକରଡା ଗାଁ ବଡଦାଣ୍ଡ ସାହିର ରବୀନ୍ଦ୍ର ନାୟକ ଆଠ ବର୍ଷ ତଳେ ଜଗନ୍ନାଥ ପ୍ରସାଦ ଅଞ୍ଚଳର ଜଣେ ମହିଳାଙ୍କୁ ବୈଦିକ ରୀତିନୀତିରେ ବିବାହ କରିଥିଲେ ।

ସେମାନଙ୍କର ୫ ବର୍ଷର ପୁଅ ଅଛି । ହେଲେ ପାରିବାରିକ କଳହରୁ ରବୀନ୍ଦ୍ର ସ୍ତ୍ରୀ କୁ ମାରପିଟ କରିବାରୁ ସ୍ତ୍ରୀ ୨ ବର୍ଷ ହେଲା ବାପଘରେ ରହିଆସୁଥିଲେ । କିଛିଦିନ ତଳେ ବାପା, ଦାଦା ମୃତ୍ୟୁ ହେବା ପରେ ସେ ସ୍ୱାମୀଙ୍କ ଘରକୁ ଫେରିବାକୁ ଇଚ୍ଛା ପ୍ରକାଶ କରିଥିଲେ । ମହିଳା ଜଣକ ପୁଅକୁ ଧରି ସ୍ୱାମୀଙ୍କ ଘରକୁ ଆସିଥିଲେ ।

ହେଲେ ସ୍ୱାମୀ ତାଙ୍କୁ ଘର ଭିତରକୁ ଯିବାକୁ ଦେଇନଥିଲେ । ଏପରିକି ବିଚ୍‌ ରାସ୍ତାରେ ଠେଲାପେଲା କରିବା ସହ ଢେଲାପଥର ମାଡ କରିଥିଲେ। ଏତିକିରେ ସରନଥିଲା ନିର୍ଯାତନା । ପଥରରେ ଛେଚି ମାରିବାକୁ ବି ପଛାଇ ନଥିଲେ । ସୋସିଆଲ ମିଡ଼ିଆରେ ଏହି ଦୃଶ୍ୟ ଭାଇରଲ ହେବା ପରେ ପୋଲିସ ସ୍ୱାମୀ ରବୀନ୍ଦ୍ରକୁ ଥାନାରେ ଅଟକ ରଖି ପଚରାଉଚରା କରୁଛି ।

https://www.facebook.com/NandighoshaTV/videos/2531242963854491/