ବିଜେଡ଼ିରେ ଯୋଗଦେଲେ ଶତାଧିକ ବିଜେପି ଓ କଂଗ୍ରେସ କର୍ମୀ

ମୟୁରଭଞ୍ଜ: ବିଜେଡିରେ ମିଶିଲେ ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଓ ସାମାଖୁଣ୍ଟା ବ୍ଲକର ବିଜେପି ଓ କଂଗ୍ରେସର ଶତାଧିକ ନେତା ଓ କର୍ମୀ । ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ଦଳରେ ଯୋଗଦାନ କରିଛନ୍ତି ବିଜେପି ଓ କଂଗ୍ରେସ ନେତା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି ଆସ୍ଥା ପ୍ରକଟ କରିଛନ୍ତି  । ଏହା ସହିତ ନବୀନ ପଟ୍ଟନାୟକଙ୍କ ଭାବମୂର୍ତ୍ତୀ ହିଁ ତାଙ୍କୁ ବିଜେଡ଼ିରେ ଯୋଗଦାନ କରିବା ପାଇଁ ବାଧ୍ୟ କରାଇଛି  ।

ସେପଟେ ବାଙ୍ଗିରିପୋଷି ବ୍ଲକର ବିଜେପି ମଣ୍ଡଳ ସଙ୍ଗଠକ, ଜିଲ୍ଲା ସଦସ୍ୟ, ପୂର୍ବତନ ସମିତି ସଭ୍ୟ, ଓ୍ବାର୍ଡ ମେମ୍ବରଙ୍କ ସହ ଶତାଧିକ ବିଜେପି କର୍ମୀ ବିଜେଡିରେ ସାମିଲ ହୋଇଛନ୍ତି । ସେହିପରି ସାମାଖୁଣ୍ଟା ବ୍ଲକର ପୂର୍ବତନ କଂଗ୍ରେସ ଅଧ୍ୟକ୍ଷ , ପୂର୍ବତନ ସରପଞ୍ଚଙ୍କ ସହ କର୍ମକର୍ତ୍ତା ବିଜେଡ଼ିରେ ବିଧିବଦ୍ଧ ଭାବେ ସାମିଲ ହୋଇଛନ୍ତି ।