ବାବା ବେଶରେ ଆସିଲେ, ଶହ ଶହ ବର୍ଷ ତଳର ରାଧାକୃଷ୍ଣ ମୂର୍ତ୍ତିକୁ ଚୋରି କରିନେଲେ

ପାଟକୁରା: ବାବା ବେଶରେ ଆସିଥିଲେ । ଶ୍ଳୋକ ମନ୍ତ୍ର ପଢ଼ି ପୂଜକଙ୍କୁ ଭୂତାଇଥିଲେ । କୌଶଳ କ୍ରମେ ଠାକୁରଙ୍କ ଶହ ଶହ ବର୍ଷ ତଳର ରାଧା କୃଷ୍ଣ ମୂର୍ତ୍ତିକୁ ଚୋରି କରି ନେଇ ଚମ୍ପଟ ମାରୁଥିଲେ । ହେଲେ ସ୍ଥାନୀୟ ଲୋକଙ୍କ ହାତରେ ଧରାପଡ଼ି ଛେଚା ଖାଇ ପୋଲିସଙ୍କ ଦ୍ୱାରା  ଗିରଫ ହେଲେ । କେନ୍ଦ୍ରାପଡ଼ା ଜିଲ୍ଲା କୁଦାନଗରୀ ଥାନା ଅନ୍ତର୍ଗତ ଗଦାଧର ପୀଠରେ ଦେଖବାକୁ ମିଳିଛି ଏହି ଘଟଣା । ପ୍ରସିଦ୍ଧ ଗଦାଧର ପୀଠରୁ ବାବା ଭେଷରେ ଆସି ଦୁଇ ଜଣ ଯୁବକ ଆଜି ପ୍ରଥମେ ପୀଠ ଭିତରେ ଥିବା ରାଧା କୃଷ୍ଣ ମନ୍ଦିରରେ ମନ୍ତ୍ର ଶ୍ଳୋକ ଆଦି ପାଠ କରିଥିଲେ । ସ୍ଥାନୀୟ ପୂଜକ ତାଙ୍କୁ ସାଧୁ ସଂଥ ବୋଲି ଭାବିଥିଲେ । କିନ୍ତୁ ସ୍ଥାନୀୟ ପୂଜକ ନୀତି କରିବାକୁ ରୋଷ ଘରକୁ ଯାଇଥିବା ବେଳେ ଯୁବକ ଦୁଇଜଣ ରାଧା କୃଷ୍ଣଙ୍କ ଅଷ୍ଟଧାତୁ ମୂର୍ତ୍ତି ଉଠାଇ ଖସିଯିବାକୁ ଉଦ୍ୟମ କରିଥିଲେ । ଏହି ସମୟରେ ଅଭିଯୁକ୍ତଙ୍କୁ ଦେଖି ପୂଜକ ଲୋକଙ୍କୁ ଡାକ ପକାଇଥିଲେ । ସ୍ଥାନୀୟ ଲୋକ ଦୁଇ ଚୋରଙ୍କୁ କାବୁ କରି ନିର୍ଦ୍ଧୁମ ଛେଚି ପୋଲିସ ଜିମା ଦେଇଥିଲେ ।