ମହିଳା ଥାନାରେ ମୁହାଁମୁହିଁ ହ୍ୟୁମାନ ସାଗର ଓ ପତ୍ନୀ ଶ୍ରୀୟା

କଟକ: ମହିଳା ଥାନାରେ ହାଜର ହେଲେ ଓଲିଉଡ଼ କଣ୍ଠଶିଳ୍ପୀ ହ୍ୟୁମାନ ସାଗର ଓ ତାଙ୍କ ପତ୍ନୀ ଶ୍ରୀୟା ମିଶ୍ର। ଉଭୟଙ୍କୁ ମୁହାଁମୁହିଁ ବସାଇ କାଉନସେଲିଂ କରାଯାଉଛି। ହ୍ୟୁମାନଙ୍କ ବିରୋଧରେ ପତ୍ନୀ ଶ୍ରୀୟା ମିଶ୍ର ମାନସିକ ଓ ଶାରିରୀକ ନିର୍ଯାତନା ଅଭିଯୋଗ ଆଣିଛନ୍ତି। ଡିସିପିଙ୍କୁ ଭେଟି ପତ୍ନୀ ଅଭିଯୋଗ କରିବା ପରେ ମହିଳା ଥାନାରେ କାଉନସେଲିଂ ପାଇଁ ଆଜି ହାଜର ହେବାକୁ ନିର୍ଦ୍ଦେଶ ଦିଆଯାଇଥିଲା।

୨୦୧୭ରେ ହ୍ୟୁମାନଙ୍କୁ ବିବାହ କରିଥିଲେ ଶ୍ରୀୟା। ତାଙ୍କର ଏକ ୪ବର୍ଷର ଝିଅ ବି ରହିଛି । ଶ୍ରୀୟା ନିଜେ ମଧ୍ୟ ଜଣେ କଣ୍ଠଶିଳ୍ପୀ। ମର୍କତନଗର ସେକ୍ଟର-୬ରେ ଉଭୟ ରହୁଥିଲେ। ତେବେ ପତ୍ନୀ ଶ୍ରୀୟା କିଛି ଦିନ ହେବ ଘରେ ରହୁନଥିଲେ। ବିଭିନ୍ନ ସମୟରେ ହ୍ୟୁମାନ ସାଗର ଯୌତୁକ ମାଗୁଥିଲେ। ମଦ ପିଇ ଶ୍ରୀୟାଙ୍କୁ ମାରପିଟ୍ କରୁଥିବା ହ୍ୟୁମାନଙ୍କ ଶ୍ବଶୂର ଅଭିଯୋଗ କରିଛନ୍ତି।