ଶ୍ରୀୟାଙ୍କ ଅଭିଯୋଗକୁ ଖଣ୍ଡନ କଲେ ହ୍ୟୁମାନଙ୍କ ମାଆ

କଟକ: ହ୍ୟୁମାନ ସାଗରଙ୍କ ସ୍ତ୍ରୀ ଶ୍ରୀୟା ମିଶ୍ରଙ୍କ ସମସ୍ତ ଅଭିଯୋଗକୁ ମିଥ୍ୟା ବୋଲି କହିଲେ ହ୍ୟୁମାନଙ୍କ ମାଆ ସେଫାଳି ସୁନା । ଏହାସହ ଶ୍ରୀୟାଙ୍କ ପରିବାର ନାଁରେ ଅଭିଯୋଗ ଆଣିଛନ୍ତି । ସେ କହିଛନ୍ତି ଶ୍ରୀୟାଙ୍କ ଘରେ ସମସ୍ତେ ମଦ ପିଅନ୍ତି । ହ୍ୟୁମାନଙ୍କୁ ମଧ୍ୟ ମଦ ପିଆଉଥିଲେ । ଶ୍ରୀୟାଙ୍କୁ କେବେ ଚର୍ଚ୍ଚ ଯିବାକୁ ବାଧ୍ୟ କରାଯାଇ ନାହିଁ ବୋଲି ହ୍ୟୁମାନଙ୍କ ମାଆ କହିଛନ୍ତି । ଶ୍ରୀୟା ଯେଉଁ ଅଭିଯୋଗ ଆଣିଛନ୍ତି ତାହା ସବୁ ଭିତ୍ତିହୀନ । ହ୍ୟୁମାନକୁ ଶ୍ରୀୟାଙ୍କ ପରିବାର ଲେକେ ମଦୁଆ କରିଛନ୍ତି ।

ହ୍ୟୁମାନର ଅନ୍ୟ କୌଣସି ଝିଅ ସହିତ ସମ୍ପର୍କ ଥିବା ନେଇ ମୁଁ କିଛି ଜାଣିନି । ଯଦି ସମ୍ପର୍କ ଥାଆନ୍ତା ତେବେ କାନ ମୋଡ଼ି ତାକୁ ଚାପୁଡା ମାରିଥାନ୍ତି । କିନ୍ତୁ ଏତିକି ଜାଣିଛି ଶ୍ରୀୟାଙ୍କ ମାଆର ଜଣେ ପୁଅ ସହ ସମ୍ପର୍କ ଅଛି । ଆମେ ଶ୍ରୀୟାକୁ ଝିଅ ଭାବେ ଦେଖୁଥିଲୁ । ତା ନାଁରେ ପ୍ଲଟ୍ କିଣିଥିଲୁ । ଘରର ଚାବି ମଧ୍ୟ ତା ପାଖରେ ରହୁଥିଲା । ଡାଉରି ଆମେ ମାଗିବା ପ୍ରସଙ୍ଗ ମଧ୍ୟ ମିଛ । ଆମେ ଚାହୁଁଛୁ ସେମାନେ ଦୁଇଜଣ ମିଶିଯାଆନ୍ତୁ ।’

ଗତକାଲି ହ୍ୟୁମାନଙ୍କ ବିରୋଧରେ ପତ୍ନୀ ଶ୍ରୀୟା ମିଶ୍ର ମାନସିକ ଓ ଶାରିରୀକ ନିର୍ଯାତନା ଅଭିଯୋଗ ଆଣିଥିଲେ । ଡିସିପିଙ୍କୁ ଭେଟି ପତ୍ନୀ ଅଭିଯୋଗ କରିବା ପରେ ମହିଳା ଥାନାରେ କାଉନସେଲିଂ ପାଇଁ ଆଜି ହାଜର ହୋଇଥିଲେ ଉଭୟେ । ୨୦୧୭ରେ ହ୍ୟୁମାନଙ୍କୁ ବିବାହ କରିଥିଲେ ଶ୍ରୀୟା । ତାଙ୍କର ଏକ ୪ବର୍ଷର ଝିଅ ବି ରହିଛି । ଶ୍ରୀୟା ନିଜେ ମଧ୍ୟ ଜଣେ କଣ୍ଠଶିଳ୍ପୀ । ମର୍କତନଗର ସେକ୍ଟର-୬ରେ ଉଭୟ ରହୁଥିଲେ । ତେବେ ପତ୍ନୀ ଶ୍ରୀୟା କିଛି ଦିନ ହେବ ଘରେ ରହୁନଥିଲେ ।