ଉଡ଼ିଲା ଋଷର ରେଳ ବ୍ରିଜ୍, ୟୁକ୍ରେନ ସହ ଯୋଗାଯୋଗ ବିଚ୍ଛିନ୍ନ

ମସ୍କୋ: ୟୁକ୍ରେନ ସହ ଯୁଦ୍ଧ ଭିତରେ ଋଷକୁ ଲାଗିଛି ବଡ଼ ଝଟକା । କ୍ରିମାଆ ଓ ଋଷ ମଧ୍ୟରେ ଯୋଗାଯୋଗ ହୋଇଛି ବିଚ୍ଛିନ୍ନ । ଏହି ଦୁଇ ଅଞ୍ଚଳର ଲାଇଫଲାଇନ କୁହାଯାଉଥିବା ରେଳ ବିଜ୍ରକୁ ବିସ୍ଫୋରଣରେ ଉଡାଇ ଦିଆଯାଇଥିବା ସୂଚନା ମିଳିଛି । ଯଦି ଏହା ସତ ହୋଇଥାଏ ତେବେ ୟୁକ୍ରେନକୁ ଋଷର ଯୋଗାଯୋଗ ସମ୍ପୂର୍ଣ୍ଣ ବନ୍ଦ ହୋଇଯିବ । ଫଳରେ ୟୁକ୍ରେନରେ ଯୁଦ୍ଧ ଲଢୁଥିବା ଋଷ ସେନା ପାଖରେ ଆବଶ୍ୟକ ସାମଗ୍ରୀ ଓ ଗୋଳାବାରୁଦ ପହଞ୍ଚିବ ଠପ୍ ହୋଇଯିବ ।

ମିଳିଥିବା ସୂଚନା ଅନୂସାରେ, କ୍ରିମିଆର ଏହି ରେଳ ବ୍ରିଜଟି ରୁଷିଆ ଓ ୟୁକ୍ରେନ ମଧ୍ୟରେ ଯୋଗାଯୋଗର ଏକ ମାଧ୍ୟମ ଥିଲା । ଏବେ ବ୍ରିଜଟି କ୍ଷତିଗ୍ରସ୍ତ ହେବା ଋଷ ପାଇଁ ବଡ଼ ଧକ୍କା ହୋଇପାରେ । ବିସ୍ଫୋରଣ ପରେ ବ୍ରିଜ ନିକଟରେ ଥିବା ୭ଟି ତୈଳ ଟ୍ୟାଙ୍କର ମଧ୍ୟ ଜଳିଯାଇଛି । ଏହି ତୈଳ ଟ୍ୟାଙ୍କର କ୍ରିମିଆକୁ ରେଳ ଦ୍ବାରା ପଠାଯାଉଥିଲା । ତେବେ ଏହା ୟୁକ୍ରେନ ସେନା ନୁହେଁ ବରଂ କୌଣସି ଆତଙ୍କବାଦୀଙ୍କ କାମ ହୋଇଥାଏ ପାରେ ବୋଲି ସନ୍ଦେହ କରାଯାଉଛି ।

ବ୍ରିଜ ନିର୍ମାଣ ପରେ ରାଷ୍ଟ୍ରପତି ପୁଟିନ ଏହାକୁ ୨୦୧୮ରେ ଉଦଘାଟନ କରିଥିଲେ । ଅନ୍ୟପକ୍ଷରେ ବ୍ରିଜଟି ସୁରକ୍ଷିତ ଥିବା ଋଷ କହିଛି । ଯଦି ଏହା ୟୁକ୍ରେନର ଆକ୍ରମଣ ହୋଇଥିବା ପ୍ରମାଣ ମିଳିଲା କିଭକୁ ବହୁ ମୂଲ୍ୟ ଦେବାକୁ ପଡ଼ିବ ବୋଲି ଚେତାଇ ଦେଇଛି ମସ୍କୋ ।