ଆରଡି: କରୋନା ଟିକାକରଣ କେନ୍ଦ୍ରରେ ବିଶୃଙ୍ଖଳା । ସ୍ୱାସ୍ଥ୍ୟକେନ୍ଦ୍ରରେ କୋଭିଡ ଟିକାକରଣ ଆରମ୍ଭରୁ ଦେଖାଦେଇଛି ବିଶୃଙ୍ଖଳା । ୧୮-୪୪ ବର୍ଗ ଲୋକଙ୍କ ଟିକାକରଣ ନେଇ ଗତକାଲି ସନ୍ଧ୍ୟାରେ ଜିଲା ପ୍ରଶାସନ ପକ୍ଷରୁ ଟ୍ୱିଟ୍ ମାଧ୍ୟମରେ ଜଣାଯାଇଥିଲା। ଏପରିକି ସ୍ଳଟ୍ ବୁକିଂ କରିଥିବା ଲୋକଙ୍କୁ ଟିକା ଦେବା ପାଇଁ ମେଡିକାଲ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଥିଲା। ହେଲେ କିଛିଦିନ ତଳେ କେତେକ ଲୋକଙ୍କୁ ଅଫଲାଇନରେ ଟିକା ଦିଆଯାଇଥିବାରୁ ଏପରି ଆଶା ନେଇ ଶତାଧିକ ଲୋକ କୋଭିଡ କଟକଣା ଉଲଂଘନ କରି ମେଡିକାଲ ମଧ୍ୟକୁ ଠେଲାପେଲା ହୋଇ ପଶିଥିଲେ । ଏପରି ଲୋକମାନଙ୍କର ହୋହଲ୍ଲା ଓ ବିଶୃଙ୍ଖଳ ଆଚରଣ ପାଇଁ ଦୀର୍ଘସମୟ ଧରି ଟିକାକରଣ କାର୍ଯ୍ୟକୁ ବନ୍ଦ ରଖିଥିଲେ ମେଡିକାଲ କର୍ତ୍ତୃପକ୍ଷ । ପୋଲିସର ହସ୍ତକ୍ଷପ ପରେ ପୁନର୍ବାର ଟିକାକରଣ କାର୍ଯ୍ୟ ଚାଲିଥିଲା। ତେବେ କିଛି ଗରୀବ ଶ୍ରେଣୀର ଲୋକଙ୍କ ପାଖରେ ସ୍ମାର୍ଟ ଫୋନ୍ ସୁବିଧା ନଥିବାରୁ ସେମାନେ ଅନ୍ଲାଇନ୍ ମାଧ୍ୟରେ ସ୍ଳଟ୍ ବୁକ୍ କରିବା ସମ୍ଭବପର ନୁହେଁ । ଏଣୁ ସେମାନଙ୍କ ପାଇଁ ଅଫ୍ ଲାଇନ୍ରେ ଆଧାରକାର୍ଡ ପ୍ରମାଣ ଭାବେ ଭିତ୍ତିକରି ଟିକା ପ୍ରଦାନ ନେଇ ଦାବି ହୋଇଛି ।
