ଗୁରମିତ ରାମ ରହିମ ସିଂଙ୍କୁ ଆଶ୍ବସ୍ତି

ନୂଆଦିଲ୍ଲୀ: ପୁଣି ଡେରା ସଚ୍ଚା ସୌଦା ମୁଖ୍ୟ ଗୁରମିତ ରାମ ରହିମ ସିଂଙ୍କୁ ଆଶ୍ବସ୍ତି । ଦୁଇ ଜଣ ମହିଳାଙ୍କୁ ଦୁଷ୍କର୍ମ କରିବା ଅଭିଯୋଗରେ ଜେଲଦଣ୍ଡ ଭୋଗୁଥିବା ରାମ ରହିମ ୨୧ ଦିନ ଲାଗି ପଦାକୁ ଆସିବେ । ଗତ ୨୦୨୩ ଜାନୁଆରୀରେ ତାଙ୍କୁ ୪୦ ଦିନ ଲାଗି ପାରୋଲ ମିଳିଥିଲା । ୨୦୨୨ ଅକ୍ଟୋବରରେ ବି ତାଙ୍କୁ ୪୦ ଦିନ ପାରୋଲ ମିଳିଥିଲା । କେତେକ ସ୍ବତନ୍ତ୍ର କାରଣ ଦର୍ଶାଇଥିବାରୁ ଗୁରମିତଙ୍କୁ ଏହି ପାରୋଲ ମିଳିଛି । ହରିଆଣାର ସୁନାରିଆ ଜେଲରେ କାରାଦଣ୍ଡ ଭୋଗୁଥିବା ଗୁରମିତ ଜେଲରୁ ମୁକୁଳିବା ପରେ ଉତ୍ତରପ୍ରଦେଶର ବାଗପତରେ ଥିବା ଆଶ୍ରମରେ ରହିବେ । ଗତଥର ପାରୋଲରେ ଆସିବା ପରେ ଅନଲାଇନ ସତସଙ୍ଗ କରି ଚର୍ଚ୍ଚାକୁ ଆସିଥିଲେ ଗୁରମିତ ।