କ୍ଷମା ମାଗିଥିଲେ, ଏବେ ପୁଣିଥରେ ପାନ ମସଲା ବିଜ୍ଞାପନ କରୁଛନ୍ତି ଅକ୍ଷୟ
1 min read
ନୂଆଦିଲ୍ଲୀ: ପାନ ମସଲା ବିଜ୍ଞାପନକୁ ନେଇ ପୁଣି ଚର୍ଚ୍ଚାରେ ବଲିଉଡ ଷ୍ଟାର ଅକ୍ଷୟ କୁମାର । ଗତବର୍ଷ ଏଭଳି ବିଜ୍ଞାପନ କରିବି ନାହିଁ କହି କ୍ଷମା ମାଗିଥିବାବେଳେ ଚଳିତ ବର୍ଷ ପୁଣିଥରେ ବିଜ୍ଞାପନରେ ନଜର ଆସି ପ୍ରଶଂସକଙ୍କ ହୃଦୟ ଭାଙ୍ଗିଛନ୍ତି । ଏହି ଖବର ସୋସିଅଲ ମିଡିଆରେ ଖୁବ୍ ଭାଇରାଲ ହେଉଛି । ICC ଓ୍ୱାର୍ଲଡ କପରେ ଇଣ୍ଡିଆ ଏବଂ ଅଷ୍ଟ୍ରେଲିଆ ମଧ୍ୟରେ ହୋଇଥିବା ମ୍ୟାଚ୍ ସମୟରେ ଅକ୍ଷୟ କୁମାରଙ୍କ ଏକ ନୂଆ ବିଜ୍ଞାପନ ଦେଖିବାକୁ ମିଳିଥିଲା । ଯେଉଁଥିରେ ସେ ଶାହାରୁଖ ଏବଂ ଅକ୍ଷୟ କୁମାରଙ୍କ ସହ ନଜର ଆସିଥିଲେ । କିନ୍ତୁ ବିଜ୍ଞାପନକୁ ନେଇ ଅକ୍ଷୟ କୁମାରଙ୍କୁ ଟ୍ରୋଲ ହେବାକୁ ପଡ଼ିଛି । କାରଣ ଗତବର୍ଷ ଏହିଭଳି ବିଜ୍ଞାପନକୁ ନେଇ କ୍ଷମା ମାଗିଥିଲେ ଅକ୍ଷୟ ଏବଂ ପୁନର୍ବାର ଏଭଳି ବିଜ୍ଞାପନ କରିବେ ନାହିଁ ବୋଲି କହିଥିଲେ ।
ମ୍ୟାଚ୍ ମଝିରେ ଦେଖାଯାଇଥିବା ବିଜ୍ଞାପନ ଭିଡ଼ିଓ ସୋସିଅଲ ମିଡିଆରେ ଖୁବ୍ ଭାଇରାଲ ହେଉଛି । ତିନି ଲୋକପ୍ରିୟ କଳାକାର ପାନ ମସଲାକୁ ପ୍ରମୋଟ କରୁଛନ୍ତି । କ୍ଷମା ମାଗି କଥା ନରଖିଥିବାରୁ ଫ୍ୟାନ୍ସ ଅକ୍ଷୟଙ୍କୁ ଜୋରଦାର ଟ୍ରୋଲ କରୁଛନ୍ତି ।
ତେବେ ଏହା ପୂର୍ବରୁ ଗତବର୍ଷ ଏଭଳି ବିଜ୍ଞାପନକୁ ନେଇ ଅକ୍ଷୟ କୁମାରଙ୍କୁ ଉପରେ ଫ୍ୟାନ୍ସ ନାରାଜ ହୋଇ ଯାଇଥିଲେ । ନିଜ ଫ୍ୟାନ୍ସ ଏବଂ ସୁଚିନ୍ତକଙ୍କୁ ଅକ୍ଷୟ କ୍ଷମା ମାଗିଥିଲେ । ତେବେ ଫ୍ୟାନ୍ସଙ୍କ ପ୍ରତିକ୍ରିୟା ତାଙ୍କ ଉପରେ ପ୍ରଭାବ ପକାଇଥିଲା ବୋଲି ସେ କହିଥିଲେ । ଏହାବାଦ୍ ଅକ୍ଷୟ ପାନ ମସଲା କମ୍ପାନୀ ସହିତ କଣ୍ଟ୍ରାକ୍ଟ ତୁରନ୍ତ ରବ୍ଦ କରିଥିଲେ । କିନ୍ତୁ ପୁରୁଣା ବିଜ୍ଞାପନ କମ୍ପାନୀ ଜାରି ରଖିବ ବୋଲି ପୂର୍ବରୁ କଣ୍ଟ୍ରାକ୍ଟ ହୋଇଥିଲା ।
ଅକ୍ଷୟଙ୍କ ଫିଲ୍ମ ବିଷୟରେ ଯଦି ଆଲୋଚନା କରିବା ତେବେ ଅକ୍ଷୟଙ୍କ ମିଶନ ସନିଗଞ୍ଜ ରିଲିଜ ହୋଇଛି । କିନ୍ତୁ ଫିଲ୍ମକୁ ଏତେ ଖାସ୍ ରେସପନ୍ସ ମିଳିନାହିଁ ।
