ଓଡ଼ିଶାରେ ପ୍ରଥମ ଥର ରିଲିଜ୍ ହେଲା ବଲିଉଡ ଫିଲ୍ମ ଟ୍ରେଲର

ଭୁବନେଶ୍ୱର: ଓଡ଼ିଶାରେ ପ୍ରଥମ ଥର ରିଲିଜ୍ ହେଲା ବଲିଉଡ ଚଳଚ୍ଚିତ୍ରର ଟ୍ରେଲର। ଚର୍ଚ୍ଚାରେ ଥିବା ହ୍ରିତିକ୍ ରୋଶନ୍ ଷ୍ଟାରର୍ ଫିଲ୍ମ ‘ବିକ୍ରମ ବେଦା’ର ଟ୍ରେଲର ଭୁବନେଶ୍ୱର ମହାରାଜା ଫିଲ୍ମ ହଲରେ ରିଲିଜ ହୋଇଛି। ଭାରତର ୯ଟି ହଲ ମଧ୍ୟରୁ ଓଡ଼ିଶାର ଗୋଟିଏ ହଲରେ ଫିଲ୍ମ ବିକ୍ରମ ବେଦାର ଟ୍ରେଲର ରିଲିଜ ହୋଇଛି। ଅଭିନେତା ହ୍ରିତିକ୍ ରୋଶନ୍ ଫ୍ୟାନ କ୍ଳବ ପକ୍ଷରୁ ଫ୍ୟାନମାନେ ଟ୍ରେଲର ଦେଖିବା ସହ ସେଲିବ୍ରେସନ୍ କରିଛନ୍ତି।

ସିନେମା ବେଶ୍ ଲୋକାଦୃତ ହେବାସହ ଭଲ ଲାଭ ହେବ ବୋଲି ସିନେମା ହଲ ପକ୍ଷରୁ ଆଶା କରାଯାଇଛି । ଫିଲ୍ମ ବିକ୍ରମ ବେଦାର ଟ୍ରେଲର ଦୁବାଇର ଗୋଟିଏ ହଲରେ ଆଜି ମଧ୍ୟ ରିଲିଜ୍ ହୋଇଛି । ଆସନ୍ତାକାଲି ଦେଶର ଅନ୍ୟାନ୍ୟ ସିନେମା ହଲରେ ରିଲିଜ୍ ହେବ । ସୁପର ଥାର୍ଟି ଓ ୱାର ଭଳି ବ୍ଲକ ବଷ୍ଟର ଫିଲ୍ମ ସୁପର ହିଟ୍ ହୋଇଥିଲା ବେଳେ, ଆସନ୍ତା ୩୦ ତାରିଖରେ ସାରା ବିଶ୍ୱରେ ରିଲିଜ୍ ହେଉଛି ଆକ୍ସନ୍ ଓ ସସପେନ୍ସ ଭରା ସିନେମା ବିକ୍ରମ ବେଦା । ଏହି ସିନେମାରେ ଅଭିନେତା ସୈଫ୍ ଅଲ୍ଲୀ ଖାନ୍ ଏବଂ ହ୍ରିତିକ୍ ରୋଶନଙ୍କ ଦମଦାର ଆକ୍ସନ ଦର୍ଶକ ବେଖିବାକୁ ପାଇବେ ।