ରାଉରକେଲାରେ ଅଟକିଲା ହାଓ୍ୱଡା-ଅହମ୍ମଦାବାଦ ଏକ୍ସପ୍ରେସ୍

ରାଉରକେଲା : ହାୱଡା-ଅହମ୍ମଦାବାଦ ଏକ୍ସପ୍ରେସ ଆଜି ଏକ ବଡ଼ ଦୁର୍ଘଟଣାରୁ ବର୍ତ୍ତି ଯାଇଛି । ବଞ୍ଚି ଯାଇଛି ଶତାଧିକ ଲୋକଙ୍କ ଜୀବନ । ସ୍ଲିପର ବଗି ଏସ-୪ରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ରାଉରକେଲା ଷ୍ଟେସନରେ ଟ୍ରେନକୁ ଅଟକାଯାଇଥିଲା । ସବୁ ଲୋକ ତଳକୁ ଓହ୍ଲାଇ ଆସିଥିଲେ ।

ଟ୍ରେନର ମରାମତି କାର୍ଯ୍ୟ ଶେଷ ହେବା ପରେ ଗନ୍ତବ୍ୟ ସ୍ଥଳକୁ ଟ୍ରେନଟି ଯାତ୍ରା କରିଥିଲା । ଯାନ୍ତ୍ରିକ ତୃଟି ସଂପର୍କରେ ସୂଚନା ଦେଇଥିଲେ ବନ୍ଧମୁଣ୍ଡା ଏ.ଆର.ଏମ । ଟ୍ରେନର ଯାନ୍ତ୍ରିକ ତୃଟି ଜଣା ପଡିଯିବାରୁ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛନ୍ତି ଶତାଧିକ ଯାତ୍ରୀ। ରାଉରକେଲା ଷ୍ଟେସନରେ ଟ୍ରେନକୁ ପ୍ରଥମେ ଅଟକାଯାଇ ତ୍ରୁଟି ଖୋଜାଯାଇଥିଲା । ଧରାପଡ଼ିବା ପରେ ମରାମତି ହୋଇଥିଲା । ପ୍ରାୟ ଘଣ୍ଟାଏରୁ ଅଧିକ ସମୟ ଅଟକିଥିଲା ଟ୍ରେନ୍ । ମରାମତି ଶେଷ ହେବା ପରେ ୮ଟା ୪୦ରେ ଛାଡ଼ିଥିଲା ଟ୍ରେନ୍ ।