କାହିଁକି ବ୍ୟବହାର କରିବେ ଟ୍ରିପଲ ଲେୟାର ମାସ୍କ: କେମିତି ଜାଣିବେ କେଉଁ ମାସ୍କ ଟି ଅସଲି?
1 min read
ନିରାପଦ ନୁହେଁ ଏନ୍-୯୫ ମାସ୍କ । ଏ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ପକ୍ଷରୁ ଆଡଭାଇଜରୀ ଜାରି କରାଯିବା ପରେ ଭାରତ ସରକର ମଧ୍ୟ ଦେଶବାସୀଙ୍କୁ ସତର୍କ କରାଇଛନ୍ତି । ଏହା ବଦଳରେ ୩ ପରସ୍ତ ଅର୍ଥାତ ଟ୍ରିପଲ୍ ଲେୟର ମାସ୍କ ବ୍ୟବହାର କରିବାକୁ ପରାମର୍ଶ ଦିଆଯାଇଛି । ତେବେ ଜାଣନ୍ତୁ କିଭଳି ହୋଇଥାଏ ଟ୍ରିପଲ ଲେୟର ମାସ୍କ ।
କେମିତି ଏହାର କ୍ୱାଲିଟି ପରଖିବେ । ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ନିକଟରେ ଏକ ଆଡଭାଇଜରୀ ଜାରି କରାଯାଇଥିଲା ଏବଂ ଏଥିରେ କୁହାଯାଇଥିଲା ଟ୍ରିପଲ ଲେୟାର ମାସ୍କ ବ୍ୟବହାର କରିବା ଭଲ । ଏହା ହି କରୋନା ମୁକାବିଲା ନେଇ ସବୁଠାରୁ ପ୍ରଭାବଶାଳୀ । ତେବେ ଟ୍ରିପଲ ଲେୟର ମାସ୍କ ମଧ୍ୟ ବଜାରରେ ବିକ୍ରି ହେଉଛି । ସେଗୁଡ଼ିକର କ୍ୱାଲିଟି ଭିନ୍ନ ଭିନ୍ନ ପ୍ରକାର । ତେବେ ଜାଣନ୍ତୁ ଆପଣ କିଭଳି ଜାଣିବେ ମାସ୍କଟି ଟ୍ରିପଲ ଲେୟର ଯୁକ୍ତ । ଯାହା କରୋନା ମୁକାବିଲା ଦିଗରେ ପ୍ରଭାବୀ ହୋଇପାରିବ ।
ପ୍ରଥମ ଟେଷ୍ଟ: ଆପଣ ଯେଉଁ ମାସ୍କ ଖୋଲିବେ ଆପଣ ଏଥିରେ ତିନି ପରସ୍ତ ଅଛି କି ନାହିଁ ଦେଖିବେ । ଏହାର ମଝି ପରସ୍ତ ଧଳା ରଙ୍ଗର ମେଲ୍ଟ ବ୍ଲୋନ୍ ଲେୟର ହୋଇଥିବ । ଯଦି ଏଭଳି ହୋଇନଥିବା ତା’ମାନେ ଏହା ଅସଲି ନୁହେଁ ।
ଚିଠି ଲେଖି ସତର୍କ କରାଇଲା କେନ୍ଦ୍ର: ହ୍ୟାଣ୍ଡମେଡ୍ ମାସ୍କ ପିନ୍ଧିବାକୁ ପରାମର୍ଶ
ସର୍ଜିକାଲ ମାସ୍କ ଅର୍ଥାତ ଟ୍ରିପଲ ଲେୟାର ମାସ୍କର ମଝି ପରସ୍ତ ମେଲ୍ଟ ବ୍ଳୋନ୍ ଫେବ୍ରିକର ହୋଇଥିବ । ଏହା କାଗଜର ହୋଇନଥିବ । ଏଣୁ ଏହାକୁ ଯେତେବେଳେ ନିଆଁ ସାମ୍ନାରେ ରଖାଯିବ ଏହା ପେପର ଭଳି ଜଳିବ ନାହିଁ ।
ଓ୍ୱାଟର ରେଜିଷ୍ଟାନ୍ସ: ଅସିଲ ଟ୍ରିପଲ ଲେୟାର ମାସ୍କର ଜଳ ପ୍ରତିରୋଧକ କ୍ଷମତା ରହିଥାଏ । ଏହା ସମ୍ପୂର୍ଣ୍ଣ ଓ୍ୱାଟର ପ୍ରୁଫ୍ ହୋଇଥାଏ । ଯଦି ଏହା ଉପରେ ପାଣି ପଡ଼େ ଏହା ପାଣିକୁ ରୋକିପାରିବ ।
