ହ୍ୱାଟସ ଆପ୍ OTP ସ୍କାମରୁ କିଭଳି ବଞ୍ଚିବେ? ଜାଣି ରଖନ୍ତୁ ସିକ୍ରେଟ ଟିପ୍ସ

ଗତ କିଛି ଦିନ ହେବ ଆପଣ ହ୍ୱାଟସଆପର ଓଟିପି ସ୍କାମ୍ ବାବଦରେ ଶୁଣୁଥିବେ । ଗତ କିଛିଦିନ ହେବ ଠକ ହ୍ୱାଟସଆପକୁ ଠକେଇ ପାଇଁ ଟାର୍ଗେଟ୍ କରୁଛନ୍ତି । ସତର୍କ ନରହିଲେ ଆପଣଙ୍କ ଆକାଉଣ୍ଟ ବି ହୋଇପାରେ ହରଣଚାଳ । ଆଉ ତା ସହିତ ଆପଣଙ୍କ ସବୁ ବ୍ୟକ୍ତିଗତ ତଥ୍ୟ ଦାଣ୍ଡରେ ପଡି ହାଟରେ ଗଡିବ ।
ହ୍ୟାକର ଏବେ ହ୍ୱାଟସଆପ୍ ହ୍ୟାକିଂ ଓଟିପି ଜରିଆରେ କରୁଛନ୍ତି । ତେବେ ଏହା କେମିତି ହେଉଛି ? ଆପଣଙ୍କ ହ୍ୱାଟସଆପକୁ ଅଜଣା ନମ୍ବରରୁ ମେସେଜ୍ ଆସେ । ମେସେଜ୍ କରିଥିବା ବ୍ୟକ୍ତି କୌଣସି ଅସୁବିଧାରେ ପଡିଥିବା କୁହନ୍ତି । ଏମରଜେନ୍ସୀ ପରିସ୍ଥିତି କଥା କହି ହ୍ୟାକର ଆପଣଙ୍କୁ ଭୁଆଁ ବୁଲାଇବ । କହିବ ଯେ, ଭୁଲରେ ତା’ ଓଟିପି ଆପଣଙ୍କ ନମ୍ବରକୁ ଆସି ଯାଇଛି । ତେଣୁ ତାକୁ ରି ସେଣ୍ଡ୍ କରନ୍ତୁ । ଯେମିତି ଆପଣ ସେହି ଓଟିପିକୁ ହ୍ୟାକର ପାଖକୁ ପଠାଇବେ ସେମିତି ଆପଣଙ୍କ ଆକାଉଣ୍ଟର କଣ୍ଟ୍ରୋଲ ହ୍ୟାକର ପାଖକୁ ଚାଲିଯିବ ।

ଥରେ ହ୍ୟାକର ପାଖକୁ ଆପଣଙ୍କ ଆକାଉଣ୍ଟ୍ ଆକ୍ସେସ ଚାଲିଯିବା ପରେ ଆପଣଙ୍କ ପାଇଁ ନିଜ ଆକାଉଣ୍ଟ ଲକ୍ ହୋଇଯିବ । ଆପଣଙ୍କ ଆକାଉଣ୍ଟର ଅପବ୍ୟବହାର ହେବ । ଫଳରେ ଆପଣ ଅସୁବିଧାରେ ପଡିବେ ।
ଏଥିରୁ ବଂଚିବାର ଏକମାତ୍ରା ବାଟ ହେଉଛି କେବେ ମଧ୍ୟ କାହାରିକି ହ୍ୱାଟସଆପ ଓଟିପି ଦିଅନ୍ତୁ ନାହିଁ । ତେଣିକି ସିଏ ଯେତେ ଅସୁବିଧାରେ ଥିବା ଦାବି କରନ୍ତୁ ନା କାହିଁକି ।
ଏହା ସହ ନିଜ ହ୍ୱାଟସଆପ୍ ଆକାଉଣ୍ଟକୁ ଟୁ ଷ୍ଟେପ୍ ଭେରିଫିକେସନ୍ ଦ୍ୱାରା ସୁରକ୍ଷିତ କରନ୍ତୁ ।

ଏବେ ଜାଣନ୍ତୁ କେମିତି ଟୁ ଷ୍ଟେପ୍ ଭେରିଫିକେସନ୍ କରିବେ..
ହ୍ୱାଟସଆପରେ ଟୁ ଷ୍ଟେପ୍ ଭେରିଫିକେସନ୍ ଅନ୍ କରିବା ପାଇଁ ହ୍ୱାଟସଆପ୍ ଓପନ୍ କରନ୍ତୁ । ସଭା ଉପରେ ଡାହାଣ ପଟେ ଥିବା ତିନି ବିନ୍ଦୁକୁ କ୍ଲିକ୍ କରନ୍ତୁ । ସେଟିଂକୁ ଯାଆନ୍ତୁ । ସେଟିଂରେ ଆକାଉଣ୍ଟ୍ ଟ୍ୟାପ୍ କରନ୍ତୁ । ଆକାଉଣ୍ଟ ସେକ୍ସସନରେ ଟୁ ଷ୍ଟେପ୍ ଭେରିଫିକେସନ ଅପସନ ଆସିବ । ସେଠାରେ ୬ ଅଙ୍କ ବିଶିଷ୍ଟ କୋଡ୍ ଦିଅନ୍ତୁ । ଏନେବଲ କରିବା ପରେ ତାର ବ୍ୟାକ୍ ଅପ୍ ନିଅନ୍ତୁ । ଯେମିତି କୋଡ୍ ଭୁଲିବା ପରିସ୍ଥିତିରେ ତାକୁ ପୁଣି ରିକଭର କରିପାରିବେ ।
ଟୁ ଷ୍ଟେପ୍ ଭେରିଫିକେସନ୍ ଏନେବଲ କରିବା ଦ୍ୱାରା କେହି କେବେ ବି କେବଳ ଓଟିପି ଜରିଆରେ ଆପଣଙ୍କ ଆକାଉଣ୍ଟର କଣ୍ଟ୍ରୋଲ ନେଇ ପାରିବ ନାହିଁ ।