ଜାଣନ୍ତୁ ଘରେ ବସି ଫ୍ରିରେ କେମିତି ଦେଖିବେ ଆଇପିଏଲ ମ୍ୟାଚ୍

ନନ୍ଦିଘୋଷ ବ୍ୟୁରୋ: ଶନିବାରଠାରୁ ଆଇପିଏଲ ୨୦୨୫ ସିଜିନ ଆରମ୍ଭ ହୋଇଛି । ଆଜି ଚଳିତ ବର୍ଷର ଚତୁର୍ଥ ମ୍ୟାଚରେ ଲକ୍ଷ୍ନୗକୁ ଭେଟିବ ଦିଲ୍ଲୀ । ବିଶାଖାପାଟଣାମରେ ଏହି ମ୍ୟାଚଟି ଖେଳାଯିବାକୁ ଅଛି । ଆଇପିଏଲ ଦେଖିବାକୁ କ୍ରୀଡ଼ାପ୍ରେମୀଙ୍କ ମଧ୍ୟରେ ବେଶ ଉତ୍ସାହ ରହିଛି । ତେବେ ଚଳିତ ବର୍ଷ ଜିଓ ହଟଷ୍ଟାରରେ ଖେଳ ପ୍ରସାରଣ ହେଉଥିବାବେଳେ ଦେଖୁଥିବା ସମୟରେ ମ୍ୟାଚ କଟି ଯାଉଥିବା ଆପଣମାନେ ଦେଖିବାକୁ ପାଉଥିବେ । ତେବ ସବସ୍କ୍ରିପନ ନଥିଲେ କଟି ଯାଉଛି । ତେବେ ଆପଣ ଜାଣିବାକୁ ଚାହୁଁଛନ୍ତି କି କେମିତି ଫ୍ରିରେ ଦେଖି ପାରିବେ ମ୍ୟାଚ୍ ।

ସାଢ଼େ ୭ଟାରେ ମ୍ୟାଚ ଆରମ୍ଭ ହେବ । ଯଦି ଆପଣଙ୍କର କୌଣସି ଓଟିଟି ପ୍ଲାଟଫର୍ମରେ ସବସ୍କ୍ରିପନ ନାହିଁ ତାହେଲେ ଟିଭିରେ ଦେଖି ପାରିବେ । ଷ୍ଟାର ସ୍ପୋର୍ଟ ନେଟଓ୍ବର୍କରେ ଏବଂ ସ୍ପୋର୍ଟ ନେଟଓ୍ବର୍କ ୧୮ରେ ଟିଭିରେ ଖେଳକୁ ଦେଖି ପାରିବେ । ଯଦି ଆପଣ ଘରେ ନାହାନ୍ତି ତାହେଲେ ଯଦି ମୋବାଇଲରେ ଦେଖିବା ପାଇଁ ଚାହୁଁଛନ୍ତି ତାହେଲେ ଜିଓ ହଟଷ୍ଟାରରେ ଦେଖି ପାରିବେ । ତେବେ ଏଥିପାଇଁ ଆପଣଙ୍କୁ ସବସ୍କ୍ରିପନ ନେବାକୁ ପଡ଼ିବ । ଏବେ ଜିଓ ପକ୍ଷରୁ ୧୦୦ ଟଙ୍କାର ସବସ୍କ୍ରିପନ ଆରମ୍ଭ ହୋଇଛି । ଯାହାକୁ ରିଚାର୍ଜ କଲେ ଆପଣ ତିନି ମାସ ଦେଖିପାରିବେ । ଏହାସହ ଯଦି ମାଗଣା ଦେଖିବା ପାଇଁ ଚାହୁଁଛନ୍ତି ତାହେଲେ ଆପଣଙ୍କୁ ଜିଓ, ଏୟାରଟେଲ ଏବଂ ଭିଆଇରୁ ପ୍ଲାନ ନେଇପାରିବେ । ଏହି ତିନୋଟି ଟେଲିକମ୍ କମ୍ପାନୀ ଆପଣଙ୍କୁ ଅନେକ ଯୋଜନାରେ JioHotstarର ମାଗଣା ସବସ୍କ୍ରିପସନ୍ ଦେଉଛନ୍ତି।