ଭୁଲରେ ବି ହ୍ବାଟ୍ସଆପରେ କରନ୍ତୁନି ଏମିତି କାମ, ବ୍ଲକ ହୋଇଯିବ ଆକାଉଣ୍ଟ

ନୂଆଦିଲ୍ଲୀ: ଆଜିକାଲି ଏମିତି କେହି ନଥିବେ ଯିଏ ହ୍ବାଟ୍ସଆପ୍ ବ୍ୟବହାର କରୁ ନଥିବେ । ପରିବାର, ସାଙ୍ଗସାଥୀଙ୍କ ସହ ଚାଟ୍ କରିବାକୁ ଏହା ହେଉଛି ସବୁଠାରୁ ପପୁଲାର ମେସେଜିଂ ଆପ୍ । ହେଲେ ଜାଣିଛନ୍ତି କି ଆପଣ କ’ଣ ଚାଟ୍ କରୁଛନ୍ତି ତାହା ଉପରେ କମ୍ପାନୀ ସତର୍କ ଦୃଷ୍ଟି ରଖିଥାଏ । ଯଦି ହ୍ବାଟ୍ସଆପରେ ଭୁଲରେ ଏମିତି କିଛି ମେସେଜ୍ କରୁଛନ୍ତି କି ନିୟମ ବାହାରେ କିଛି କାର୍ଯ୍ୟ କରୁଛନ୍ତି ତେବେ ସାବଧାନ ହୋଇ ଯାଆନ୍ତୁ । କାରଣ ବ୍ଲକ ହୋଇଯାଇପାରେ ଆପଣଙ୍କୁ ହ୍ବାଟ୍ସଆପ୍ ଆକାଉଣ୍ଟ ।

ଆପ ସୁପରିଚାଳନା ପାଇଁ କମ୍ପାନୀ ବହୁତ ନିୟମ ବନାଇଛି । ଯଦି ଆପଣ ଏହି ନିୟମକୁ ମାନୁ ନାହାନ୍ତି ତେବେ ସବୁଦିନ ପାଇଁ ଆପଣଙ୍କ ଆକାଉଣ୍ଟ ବ୍ଲକ ହୋଇଯିବ । ଏଥିରେ ରହିଛି ମିଛ ଖବର ପ୍ରଚାର କରିବା ।

ଫେକ୍ ନ୍ୟୁଜ୍ ପ୍ରଚାରକୁ ପ୍ରତିହତ କରିବାକୁ ହ୍ବାଟ୍ସଆପ୍ ୟୁଜର୍ସଙ୍କ ପାଖରେ ଇସ୍ୟୁ ରିପୋର୍ଟ କରିବାର ସୁବିଧା ରହିଛି । ଯଦି ଆପଣ ଚାହୁଁଛନ୍ତି ଆପଣଙ୍କ ଆକାଉଣ୍ଟ ସୁରକ୍ଷିତ ରହୁ ଓ ବ୍ଲକ ନହେଉ ତେବେ ଆପଣକୁ କିଛି ନିୟମ ମାନିବାକୁ ପଡିବ । ଯାହା ଆମେ କହିବାକୁ ଯାଉଛୁ ।

ବ୍ଲ୍ୟୁମାର୍ଗର ଏକ ରିପୋର୍ଟ ଅନୁସାରେ ବାରମ୍ବାର ସ୍ପାମ୍ ମେସେଜ ପଠାଇବାରେ ହ୍ବାଟ୍ସଆପ୍ ବ୍ୟବହାର କରନ୍ତୁ ନାହିଁ । ବ୍ରୋଡକାଷ୍ଟିଂ ଲିଷ୍ଟ କିମ୍ବା ଗ୍ରୁପ୍ କରି ବାରମ୍ବାର ମେସେଜ୍ କରିବା ସ୍ପାମ୍ କାଟାଗୋରୀରେ ଆସିଥାଏ ।

ଯଦି କୌଣସି ୟୁଜର୍ସ ଗୋଟିଏ ଦିନରେ ବାରମ୍ବାର ବ୍ୟାନ୍ ହୁଅନ୍ତି, ତେବେ କମ୍ପାନୀ ତାଙ୍କ ଆକାଉଣ୍ଟକୁ ଡିଆକ୍ଟିଭ୍ କରିଦେବ । ଭିନ୍ନ ଭିନ୍ନ ଗ୍ରୁପରେ ମିଛ ଖବର ପ୍ରଚାର କଲେ କମ୍ପାନୀ ୟୁଜର୍ସଙ୍କୁ ବ୍ୟାନ୍ କରିପାରିବ । ସେତିକି ନୁହେଁ, ଅନ୍ୟ ୟୁଜର୍ସଙ୍କ ପାଖକୁ APK ଫାଇଲ ଫର୍ମାଟ ଓ ମାଲଓ୍ବାର ପରି ବିପଦପୂର୍ଣ୍ଣ ଫିସିଂ ଲିଙ୍କ ପଠାନ୍ତୁ ନାହିଁ ।

ଯଦି କମ୍ପାନୀ ଭାବିବ ଆପଣ ଅନ୍ୟ କାହା ନାଁରେ ହ୍ବାଟ୍ସଆପ୍ ଆକାଉଣ୍ଟ ଖୋଲିଛନ୍ତି ତେବେ ନିଜ ତରଫରୁ ଏହାକୁ ବ୍ଲକ କରିଦେବ । ଥାର୍ଡ ପାର୍ଟି ହ୍ବାଟ୍ସଆପ ଆପ୍ ଯେମିତି ହ୍ବାଟ୍ସଆପ ଡେଲଟା, ଜିବି ଡ୍ବାଟ୍ସଆପ୍, ହ୍ବାଟ୍ଓଆପ୍ ପ୍ଲସ୍ ବ୍ୟବହାର କଲେ ଆପଣଙ୍କ ଉପରେ ବ୍ୟାନ୍ ଲାଗିପାରେ ।

ଯଦି କାହାକୁ ହ୍ବାଟ୍ସଆପରେ ଧମକ ଦେବେ, ଘୃଣା କରିବା ପରି ମେସେଜ କରିବେ କିମ୍ବା ଡରାଇବେ ଓ ସେ ରିପୋର୍ଟ କରିଦେଲେ ତେବେ ଆପଣଙ୍କ ଆକାଉଣ୍ଟକୁ କମ୍ପାନୀ ବ୍ଲକ କରିପାରିବ ।