ଡିଭୋର୍ସ ହେଲେ ପତ୍ନୀଙ୍କୁ ଏତେ ଟଙ୍କା ଦେବେ ଓ୍ୱିଲ ସ୍ମିଥ୍
1 min read
ନୂଆଦିଲ୍ଲୀ: ଓସ୍କାରରେ ଚାପୁଡ଼ା ମରା ଘଟଣା ପରେ ଓ୍ୱିଲ୍ ସ୍ମିଥ ଏବଂ ତାଙ୍କ ପତ୍ନୀ ଜାଡା ପିଙ୍କେଟଙ୍କ ମଧ୍ୟରେ ସମ୍ପର୍କରେ ଭଟ୍ଟା ଆସିଯାଇଛି ବୋଲି କୁହାଯାଉଛି । ଏହା ମଧ୍ୟ କୁହାଯାଉଛିଯେ କଥା ଡିଭୋର୍ସ ପର୍ଯ୍ୟନ୍ତ ପହଞ୍ଚି ଗଲାଣି । ଦୁଇଜଣଙ୍କ ମଧ୍ୟରେ କଥାବାର୍ତ୍ତା ମଧ୍ୟ ପ୍ରାୟ ବନ୍ଦ ହୋଇଯାଇଛି । ସମ୍ପର୍କ ଆଉ ପୂର୍ବଭଳି ନାହିଁ । ତେବେ ଯଦି ଉଭୟଙ୍କର ଡିଭୋର୍ସ ହୁଏ ତେବେ ଓ୍ୱିଲ ସ୍ମିଥଙ୍କୁ ୧ ହଜାର ୩ ଶହ କୋଟି ଟଙ୍କା ଜାଡା ପିଙ୍କେଟାଙ୍କୁ ଦେବାକୁ ପଡ଼ିବ । ତେବେ ଆସନ୍ତୁ ଆଲୋଚନା କରିବା, ହଲିଉଡର ମହଙ୍ଗା ଡିଭୋର୍ସ ବିଷୟରେ ।
ଷ୍ଟିବନ୍ ସ୍ପିଲବର୍ଗ ଏବଂ ଏମି ଇରବିଙ୍ଗ୍: ଷ୍ଟିବନ୍ ସ୍ପିଲବର୍ଗ ଏବଂ ଏମି ଇରବିଙ୍ଗ୍ ହଲିଉଡ ଇଣ୍ଡଷ୍ଟ୍ରିର ଦାମି ତାରକାଙ୍କ ମଧ୍ୟରୁ ଗୋଟିଏ । ଉଭୟଙ୍କ ଡିଭୋର୍ସ ମଧ୍ୟ ହୋଇ ଯାଇଛି । ଷ୍ଟିବନ୍ ସ୍ପିଲବର୍ଗ ଡିଭୋର୍ସ ହେତୁ ଏମି ଇରବିଙ୍ଗଙ୍କୁ ୭୬୪ କୋଟି ଟଙ୍କା ଦେଇଥିଲେ ।
ହାରିସନ୍ ଫୋର୍ଡ଼- ମେଲିସା ମାଥିସନ୍: ହଲିଉଡ ଅଭିନେତା ହାରିସନ୍ ଫୋର୍ଡ଼ ୨୦୦୪ରେ ତାଙ୍କ ପତ୍ନୀଙ୍କ ଠାରୁ ଛାଡ଼ପତ୍ର ନେଇଥିଲେ ଏବଂ ଭରଣପୋଷଣ ପାଇଁ ୯୦୨ କୋଟି ଟଙ୍କା ଦେଇଥିଲେ ।
ଜେମ୍ସ କ୍ୟାମରୁନ- ଲିଣ୍ଡା ହାମିଲ୍ଟନ: ଜେମ୍ସ କ୍ୟାମରୁନ ଛାଡ଼ପତ୍ର ପରେ ପତ୍ନୀଙ୍କୁ ୩୮୨ କୋଟି ଟଙ୍କା ଦେଇଥିଲେ ।
ମେଲ୍ ଗିବସନ୍-ରବିନ୍ ମୁର: ଦୁଇଜଣଙ୍କ ଛାଡ଼ପତ୍ର ସାରା ଦୁନିଆର ଧ୍ୟାନ ଆକର୍ଷଣ କରିଥିଲା । ମେଲ ଗିବସନ ତାଙ୍କ ପତ୍ନୀଙ୍କୁ ୩୨୫ ହଜାର କୋଟି ଟଙ୍କା ଭରଣପୋଷଣ ପାଇଁ ଦେଇଥିଲେ ।
