ଅଧିକ ମାତ୍ରାରେ କାଢ଼ା ପିଉଛନ୍ତି କି ? ଇମ୍ୟୁନିଟି ସିଷ୍ଟମ ଉପରେ ପଡ଼ିପାରେ ପ୍ରଭାବ

କରୋନା ଭାଇରସ ମହାମାରୀ ଭୟରେ ଲୋକମାନେ ନିଜକୁ ସୁସ୍ଥ ରଖିବା ପାଇଁ ଭିନ୍ନ ଭିନ୍ନ ଉପାୟ ଆପଣାଉଛନ୍ତି । ଏହି ଉପାୟ ଗୁଡ଼ିକ ମଧ୍ୟରୁ ସବୁଠୁ ସାଧାରଣ ହେଉଛି କାଢ଼ା ସେବନ କରିବା । ଲୋକମାନେ ନିଜ ରୋଗ ପ୍ରତିରୋଧକ ଶକ୍ତି ବଢ଼ାଇବା ପାଇଁ ଦିନକୁ ତିନି ଚାରି ଥର କାଢ଼ା ପିଉଛନ୍ତି । ଆୟୁର୍ବେଦରେ ମଧ୍ୟ କାଢ଼ା ପିଇବାର ଅନେକ ସୁଫଳ ବିଷୟରେ ବର୍ଣ୍ଣନା କରାଯାଇଛି କିନ୍ତୁ ଲୋକମାନେ ଆଜି କାଲି ନିଜ ମନ ମୁତାବକ କାଢ଼ା ପିଇବାରେ ଲାଗିଛନ୍ତି । ଆପଣ ଜାଣିଛନ୍ତି କି ଅଧିକ ମାତ୍ରାରେ କାଢ଼ା ସେବନ କରିବା ଆପଣଙ୍କ ସ୍ୱାସ୍ଥ୍ୟ ପ୍ରତି ହାନିକାରକ ସାବ୍ୟସ୍ତ ହୋଇପାରେ । ତେବେ ଜାଣନ୍ତୁ କାଢ଼ା ପିଇବାର ସଠିକ ପ୍ରକ୍ରିୟା ବିଷୟରେ…

କାଢ଼ା ପିଇବାର ଭୁଲ ଉପାୟ:

କୌଣସି ଜିନିଷକୁ ଅତି ମାତ୍ରାରେ କରିବା କ୍ଷତି ପହଞ୍ଚାଇଥାଏ । ଏବଂ ଏହି କଥା କାଢ଼ା ଉପରେ ମଘ୍ୟ ଲୋଗୁ ହୋଇଥାଏ । ନ୍ୟୁୟର୍କର ଜଣେ ଆୟୁର୍ବେଦିକ ଡାକ୍ତର ନିଧି ପାଣ୍ଡେଙ୍କ କହିବା ଅନୁଯାୟୀ ଯଦି କାଢ଼ାକୁ ଠିକ ଭାବରେ ପିଆନଯାଏ ତେବେ ଏହା ଆପଣଙ୍କୁ କ୍ଷତି ପହଞ୍ଚାଇପାରେ । କାଢ଼ାକୁ ଅତିମାତ୍ରାରେ ଫୁଟାଇବା ବା ଏହାକୁ ଅତିମାତ୍ରାରେ ପିଇବା ଦ୍ୱାରା ୟୁରିନ ଇନଫେକସନ, ଚର୍ମ ଶୁଷ୍କ ହୋଇଯିବା, ବ୍ରଣ, ଆସିଡିଟି ଏବଂ ମୁହଁ ଶୁଖିଯିବା ଭଳି ସମସ୍ୟା ଦେଖାଦେଇପାରେ । ଯଦି ଆପଣ କାଢ଼ା ପିଇ ଏହାର ଲାଭ ଉଠାଇବାକୁ ଚାହୁଛନ୍ତି ତେବେ ଏହାକୁ ସଠିକ ମାତ୍ରାରେ ଏବଂ ସଠିକ ଭାବରେ ପିଅନ୍ତୁ ।

୧. କାଢ଼ାକୁ ଅଧିକ ଫୁଟାନ୍ତୁ ନାହିଁ:

କାଢ଼ାରେ ପଡ଼ୁଥିବା ମସଲା ଗୁଡ଼ିକୁ ଅଧିକ ଫୁଟାଇବା ଦ୍ୱାରା ଏହାର ପ୍ରଭାବ ଅଧିକ ରହିନଥାଏ । ଏହାକୁ ଅଧିକ ଫୁଟାଇବା ଦ୍ୱାରା କାଢ଼ା ପିତା ଲାଗିଥାଏ ଏବଂ ପିଇବା ପରେ ପେଟରେ ଜଳାପୋଡ଼ା ଏବଂ ଆସିଡିଟି ହୋଇଥାଏ । କାଢ଼ାରେ ମସଲା ଗୁଡ଼ିକୁ କିଛି ମିନିଟ ପାଇଁ ଫୁଟାଇବା ବା ଷ୍ଟିମ ଦେବା ଯଥେଷ୍ଟ ଅଟେ ।

୨. କେବଳ ଅଧ କପ କାଢ଼ା ପିଅନ୍ତୁ:

ଆପଣ କାଢ଼ାକୁ ଗୋଟିଏ ଦିନରେ ତିନି ଚାରି ଥର ପିଉଛନ୍ତି କି ? ତେବେ ଏହି ଅଭ୍ୟାସକୁ ତୁରନ୍ତ ଛାଡ଼ନ୍ତୁ । ଗୋଟିଏ ଦିନରେ କେବଳ ଅଧ କପ କାଢ଼ା ପିଅନ୍ତୁ । ଶୀତ ଦିନରେ ଏହାକୁ ବଢ଼ାଇ ଦୁଇ କପ କାଢ଼ା ପିଇପାରିବେ ।

୩. ଥଣ୍ଡା ମସଲା ପକାନ୍ତୁ:

କାଢ଼ାରେ ପଡ଼ୁଥିବା ପ୍ରାୟ ସମସ୍ତ ମସଲା ଗରମ ହୋଇଥାଏ । ତେଣୁ କାଢ଼ାରେ କିଛି ଥଣ୍ଡା ମସଲା ପକାନ୍ତୁ ଯେମିତିକି  ମୁଲେଠୀ, ଅଳେଇଚ ଏବଂ ଗୋଲାପ ପତ୍ର । ଏହି ମସଲା ପେଟ ସହ ଜଡ଼ିତ ସମସ୍ୟା ଦୂର କରିବ ।

୪. ଥଣ୍ଡା ଜିନିଷ ସେବନ କରନ୍ତୁ:

କାଢ଼ା ପିଇବା ଦ୍ୱାରା ଦେହ ଗରମ ହୋଇଯାଇଥାଏ । ଯେଉଁ କାରଣରୁ ବ୍ରଣ ଏବଂ ଚର୍ମ ଶୁଷ୍କ ହୋଇପାରେ । ଏହି ସମସ୍ୟାରୁ ଦୂରେଇ ରହିବା ପାଇଁ କିଛି ଥଣ୍ଡା ଜିନିଷ ଖାଆନ୍ତୁ ଯେମିତିକି କମଳା ।

୫.  ପ୍ରଚୁର ପରିମାଣରେ ପାଣି ପିଇନ୍ତୁ:

ପ୍ରତିଦିନ କାଢ଼ା ପିଉଥିଲେ ନିଜ ଶରୀରକୁ ହାଇଡ୍ରେଡ ରଖନ୍ତୁ । ପେଟକୁ ଥଣ୍ଡା ରଖିବା ପାଇଁ ପାଣିରେ ପୁଦିନା ପତ୍ର ମିଶାଇ ଏବଂ ପଇଡ଼ା ପାଣି ପିଅନ୍ତୁ ।

୬. ପ୍ରତିଦିନ କାଢ଼ା ପିଅନ୍ତୁ ନାହିଁ:

କାଢ଼ା ଶରୀରରେ ଗରମ ଉତ୍ପନ୍ନ କରୁଥିବାରୁ ଏହାକୁ ପ୍ରତିଦିନ ପିଇବା ଉଚିତ ନୁହେଁ । ଆପଣ ଏହାକୁ ତିନି ସପ୍ତାହ ଲଗାତାର ପିଇବା ପରେ ଦୁଇ ସପ୍ତାହ ବ୍ରେକ ନିଅନ୍ତୁ । ଏହାଦ୍ୱାର ଆପଣଙ୍କ ପେଟ ଏବଂ ଶରୀର ଉପରେ ଅଧିକ ଭାର ପଡ଼ିବ ନାହିଁ ।