କେତେ ରୋଜଗାର କରନ୍ତି ପାକିସ୍ତାନ ସେନା ମୁଖ୍ୟ ?
ନନ୍ଦିଘୋଷ ବ୍ୟୁରୋ: ଆର୍ଥିକ ସଙ୍କଟ ଦେଇ ଗତି କରୁଛି ପାକିସ୍ତାନ । କିନ୍ତୁ ପାକିସ୍ତାନର ସେନା ମୁଖ୍ୟଙ୍କ ଜୀବନ ଶୈଳୀ କିନ୍ତୁ ଭିନ୍ନ । ସେ କୋଟି କୋଟି ଟଙ୍କାର ମାଲିକ ଅଟନ୍ତି । ସେନା ମୁଖ୍ୟ ଜେନେରାଲ ଅସୀମ ମୁନିରଙ୍କ ସମ୍ପତ୍ତି 6,77,54,636 ଟଙ୍କା (800,000 ଆମେରିକୀୟ ଡଲାର) ହେବ ବୋଲି ଆକଳନ କରାଯାଇଛି। ଏହି ସମ୍ପତ୍ତି ବିଭିନ୍ନ ବ୍ୟବସାୟ ଏବଂ ନିବେଶ ମାଧ୍ୟମରେ ଅର୍ଜିତ ହୋଇଛି, ଯାହା ତାଙ୍କୁ ପାକିସ୍ତାନର ଆର୍ଥିକ ଅବସ୍ଥା ସତ୍ତ୍ୱେ ଏକ ଧନୀ ଜୀବନଶୈଳୀ ପ୍ରଦାନ କରେ।
ପାକିସ୍ତାନର ସେନା ମୁଖ୍ୟମାନେ ବିଭିନ୍ନ ଅର୍ଥନୈତିକ ବ୍ୟାପାର କରିଥାନ୍ତି । ଯାହାକି ତାଙ୍କୁ କୋଟି କୋଟି ଟଙ୍କା ଲାଭ ଦେଇଥାଏ । ଆଉ ଏହି ଆର୍ଥିକ ସଙ୍କଟ ପଛରେ ଏମାନଙ୍କର ମଧ୍ୟ ପ୍ରଭୁଖ ଭୂମିକା ରହୁଥିବା କୁହାଯାଏ । ପ୍ରସିଦ୍ଧ ଲେଖିକା ଆୟେଶା ସିଦ୍ଧିକାଙ୍କ ପୁସ୍ତକ “ମିଲିଟାରୀ ଇନକର୍ପୋରେଟେଡ୍: ଇନସାଇଡ୍ ପାକିସ୍ତାନସ୍ ମିଲିଟାରୀ ଇକୋନୋମି” ଏହି ବାସ୍ତବତାକୁ ଗଭୀର ଭାବରେ ପ୍ରକାଶ କରିଛି। ଏହି ପୁସ୍ତକ ଅନୁଯାୟୀ, ପାକିସ୍ତାନୀ ସେନା କେବଳ ପ୍ରତିରକ୍ଷା କ୍ଷେତ୍ରରେ ସୀମିତ ନୁହେଁ, ବରଂ ସିମେଣ୍ଟ, ସାର, ବ୍ୟାଙ୍କିଙ୍ଗ, ଦୁଗ୍ଧ, ପରିବହନ ଏବଂ ଗୃହ ନିର୍ମାଣ ଭଳି କ୍ଷେତ୍ରରେ ମଧ୍ୟ ଏହାର ବ୍ୟାପକ ବ୍ୟବସାୟିକ ପ୍ରଭାବ ରହିଛି। ଏହାସହ ରିୟଲ ଇଷ୍ଟେଟ ବ୍ୟବସାୟ ମଧ୍ୟ କରନ୍ତି ।
