ଏକାଧିକ ସିମ୍ କାର୍ଡ ରଖିଛନ୍ତି କି? ସାବଧାନ…

ନୂଆଦିଲ୍ଲୀ: ଦେଶର ଏବେ ଯେଉଁ ସବୁ ନୂଆ ସ୍ମାର୍ଟଫୋନ ଆସୁଛି ତାହା ସବୁ ଡୁଆଲ୍ ସିମ୍ । ଯାହା ଫଳରେ ଲୋକମାନେ ଏକାଧିକ ସିମ୍ କାର୍ଡ ବ୍ୟବହାର କରୁଛନ୍ତି । ଏମିତି କି ଅନେକ ଲୋକ ଅଛନ୍ତି ଯେଉଁମାନଙ୍କ ପାଖରେ ଅନେକ ସିମ୍ କାର୍ଡ ରହିଛି । ତେବେ ସରକାରଙ୍କ ନୂଆ ନିୟମ ଅନୁଯାୟୀ ଯେଉଁ ବ୍ୟକ୍ତିଙ୍କ ନାମରେ ୯ରୁ ଅଧିକ ସିମ୍ କାର୍ଡ ରହିଥିବା ତେବେ ଏହି ସିମକୁ ନିଷ୍କ୍ରିୟ କରାଯିବ । ଟେଲିକମ୍ ବିଭାଗ ଏହି ସବୁ ସିମକୁ ପୁଣି ଥରେ ଯାଞ୍ଚ କରିବ । ଯେଉଁ ବ୍ୟକ୍ତିଙ୍କ ପାଖରେ ୯ରୁ ଅଧିକ ସିମ୍ କାର୍ଡ ଥିବ ସେ ସବୁ ସିମକୁ ଟେଲିକମ୍ ବିଭାଗ ନିଷ୍କ୍ରିୟ କରିବ ।  ତେବେ ନିଷ୍କ୍ରୟ କରିବା ପୂର୍ବରୁ ଉପଭୋକ୍ତାଙ୍କୁ ଏକ ବିକଳ୍ପ ପ୍ରଦାନ କରିବ ଟେଲିକମ୍ ବିଭାଗ ।

ଜାମ୍ମୁ କାଶ୍ମୀର ଓ ନର୍ଥଇଷ୍ଟ ରାଜ୍ୟ ଗୁଡିକରେ ଜଣେ ବ୍ୟକ୍ତି ୬ଟି ସିମ୍ କାର୍ଡ ବ୍ୟବହାର କରିପାରିବ । ଯେଉଁବ୍ୟକ୍ତିଙ୍କ ପାଖରେ ୬ରୁ ଅଧିକ ସିମ୍ ଥିବା ସେମାନଙ୍କ କାର୍ଡ ଯାଞ୍ଚ କରାଯିବ । ଜାମ୍ମୁ କାଶ୍ମୀର ଓ ନର୍ଥଇଷ୍ଟ ରାଜ୍ୟ ବ୍ୟତୀତ ଭାରତରେ ଅନ୍ୟ ରାଜ୍ୟରେ ଜଣେ ବ୍ୟକ୍ତିଙ୍କ ନାମରେ ୯ଟି ସିମ୍ କାର୍ଡ ରଖିପାରିବେ । ଟେଲିକମ୍ ବିଭାଗ ୯ରୁ ଅଧିକ ସିମ୍ ଥିବା ବ୍ୟକ୍ତିଙ୍କୁ ସେମାନଙ୍କ ସିମ୍ ଯାଞ୍ଚ କରିବା ପାଇଁ କୁହାଯିବ । ଯେଉଁ ଉପଭୋକ୍ତା ଯାଞ୍ଚ କରିବେ ନାହିଁ ସେମାନଙ୍କ ସବୁ ନମ୍ବର ନିଷ୍କ୍ରିୟ କରାଯିବ । ଅନ୍ୟପକ୍ଷରେ ଯେଉଁ ସିମ୍ ଯାଞ୍ଚ କରିବାକୁ ଚାହିଁବେ ତାହାଲେ ସେମାନେ ତାଙ୍କ ପସନ୍ଦର ୯ଟି ନମ୍ବର ରଖିପାରିବେ ।

ଦେଶରେ ଆର୍ଥିକ ଅପରାଧ, ସ୍ୱଂୟକ୍ରୟ କଲ ଏବଂ ଠକେଇ ମାମଲା ବୃଦ୍ଧି ପାଉଥିବାରୁ ମୋବାଇଲ ନମ୍ବର ଯାଞ୍ଚ କରିବାକୁ ନିଷ୍ପତି ନେଇଛି ଟେଲିକମ୍ ବିଭାଗ । ଟେଲିକମ୍ ବିଭାଗ କହିଛି କି ଯେଉଁ ବ୍ୟକ୍ତିଙ୍କ ପାଖରେ ୯ରୁ ଅଧିକ ସିମ୍ ରହିଛି ଯଦି ସେମାନେ ତାଙ୍କ ସିମ୍ ଯାଞ୍ଚ କରିବେ ନାହିଁ ତେବେ ସବୁ ସିମ୍ ଡିସେମ୍ବର ୭ ପରେ ୬୦ ଦିନ ଭିତରେ ନିଷ୍କ୍ରିୟ କରାଯିବ ।