ସାମୁଦ୍ରିକ ଝଡ଼ ପ୍ରଭାବରେ ସ୍ଥଳ ଭାଗରେ କେତେ ଦୂର ଯାଏଁ ମାଡ଼ି ଆସିବ ସମୁଦ୍ର ଜଳ ?

ଭୁବନେଶ୍ୱର: ଅଶାନ୍ତ ହେଉଛି ସମୁଦ୍ର । ଆଜି ଅମାବାସ୍ୟା ଥିବାରୁ ଆସିବ ଉଚ୍ଚ ଜୁଆର । ସାମୁଦ୍ରିକ ଝଡ଼ ‘ଜୱାଦ’ ପ୍ରଭାବରେ ସମୁଦ୍ର ଅଶାନ୍ତ ହୋଇଥିବା ବେଳେ ସ୍ଥଳଭାଗକୁ ମାଡ଼ି ଆସିବ ସମୁଦ୍ର ଜଳ । ୨ରୁ ୪ ମିଟର ଯାଏଁ ଉଚ୍ଚ ଜୁଆର ସମୁଦ୍ରରେ ଆସିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଫଳରେ ସମୁଦ୍ର ନିକଟବର୍ତ୍ତୀ ତଳିଆ ଅଞ୍ଚଳରେ ପାଣି ପଶିବା ଆଶଙ୍କା କରାଯାଉଛି ।

ସାମୁଦ୍ରିକ ଝଡ ପ୍ରଭାବରେ ସ୍ଥଳ ଭାଗରେ କେତେ ଦୂର ଯାଏଁ ମାଡି ଆସିବା ସମୁଦ୍ର ଜଳ pic.twitter.com/yrDzP2Fc3a

— Meteorological Centre, Bhubaneswar (@mcbbsr) December 3, 2021

କେନ୍ଦ୍ରାପଡ଼ାର ଟିକାୟତ ନଗରରେ ୦.୩-୦.୭ ମିଟର ଜୁଆର ଆସିବ । ଫଳରେ ୨.୬୪ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ । ସେହିଭଳି ଭଦ୍ରକର ମୋହନପୁରରେ ୦.୪-୦.୬ ମିଟର ଜୁଆର ଆସିବ । ଫଳରେ ୦.୬୪ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ । ଜଗତସିଂହପୁରର ମୁଷାଡ଼ିଆରେ ୦.୩-୦.୬ ମିଟର ଜୁଆର ଆସିବ । ଫଳରେ ୨.୩୭ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ ।

ଏଥିସହ ପଢ଼ନ୍ତୁ: ଘଣ୍ଟାପ୍ରତି ୬ କିମି ବେଗରେ ମାଡ଼ି ଆସୁଛି ବାତ୍ୟା, ପୁରୀ ଠାରୁ ୪୩୦ କିମି ଦୂରରେ ‘ଜୱାଦ’

ପୁରୀର ଛୁରିଆନାରେ ୦.୨-୦.୬ ମିଟର ଜୁଆର ଆସିବ । ଫଳରେ ୧.୦୩ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ । ବାଲେଶ୍ୱରର ଶ୍ରୀକୋଣରେ ୦.୨-୦.୪ ମିଟର ଜୁଆର ଆସିବ । ଫଳରେ ୦.୭୮ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ । ବ୍ରହ୍ମପୁରର ଗୋଳାବନ୍ଧରେ ୦.୨-୦.୩ ମିଟର ଜୁଆର ଆସିବ । ଫଳରେ ୦.୮୧ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ । ଛତ୍ରପୁରରେ ୦.୨-୦.୩ ମିଟର ଜୁଆର ଆସିବ । ଫଳରେ ୦.୭୬ କିଲୋମିଟର ଯାଏଁ ସ୍ଥଳ ଭାଗକୁ ମାଡ଼ି ଆସିବ ସମୁଦ୍ର ଜଳ ।