ବିଜେପି ବିଧାୟକଙ୍କ ଆତ୍ମହତ୍ୟା ଉଦ୍ୟମ ପ୍ରସଂଗକୁ ନେଇ ଗୃହରେ ହଟ୍ଟଗୋଳ

ଭୁବନେଶ୍ୱରେ: ଗୃହରେ ଉଭୟ ଶାସକ ଓ ବିରୋଧୀ ଦଳ ସଦସ୍ୟଙ୍କ ହୋହଲ୍ଲା, ହଟ୍ଟଗୋଳ । ମଣ୍ଡି ଅବ୍ୟବସ୍ଥାକୁ ନେଇ ବିଧାନସଭାରେ ହଙ୍ଗାମା। ଗୃହ ମଧ୍ୟ ଭାଗରେ ବିଜେପି କଂଗ୍ରେସ ସଦସ୍ୟଙ୍କ ହୋହଲା ପାଟିତୁଣ୍ଡ। ବିଜେଡି ସଦସ୍ୟମାନେ ପ୍ରଥମେ ନିଜ ସ୍ଥାନରେ ପ୍ରତିବାଦ ଓ ପରେ ଗୃହ ମଧ୍ୟଭାଗକୁ ଆସି ହୋହଲ୍ଲା କରିଛନ୍ତି । ବିଜେଡିର ଦାବି ସୁବାସ ପାଣିଗ୍ରାହୀ ଆତ୍ମହତ୍ୟା ପାଇଁ ଧମକ ଦେଇଥିବାରୁ କ୍ଷମା ମାଗନ୍ତୁ। ଯଦି କ୍ଷମା ନ ମାଗିବେ ଗୃହ କାର୍ଯ୍ୟ ଚଳାଇଦେବୁନି ବୋଲି କହିଛନ୍ତି ବିଜେଡି ସଦସ୍ୟ ।

ସୂଚନା ଯୋଗ୍ୟ ଯେ, ଶୁକ୍ରବାର ବିଜେପି ବିଧାୟକ ସୁବାସ ପାଣିଗ୍ରାହୀ ଗୃହ ଚାଲିଥିବା ସମୟରେ ସାନିଟାଇଜର ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଧାନ ସଂଗ୍ରହ ପ୍ରସଂଗକୁ ନେଇ ବିଧାୟକ ଜଣଙ୍କ ଏଭଳି କାର୍ଯ୍ୟ କରିଥିଲେ । ଏହା ଦ୍ୱାରା ଗୃହର ମର୍ଯ୍ୟାଦା କ୍ଷୁର୍ଣ୍ଣ ହୋଇଛି । ଏବଂ ବିଧାନସଭା ଇତିହାସରେ କଳଙ୍କିତ ଅଧ୍ୟାୟ ସୃଷ୍ଟି ହୋଇଛି ।