ମଦୁଆ ସ୍ୱାମୀର ସ୍ତ୍ରୀ ଉପରେ ଚୌକି ଟାଣ, କୁକୁର ମାଂସ ନରାନ୍ଧିବାରୁ ଘରେ ନିଆଁ ଲଗାଇଲା ମଦ୍ୟପ ସ୍ୱାମୀ

ଢେଙ୍କାନାଳ: ପୂର୍ବ ଶତ୍ରୁତାକୁ କେନ୍ଦ୍ରକରି ଅନ୍ୟର ଘର ଜାଳିଦେବା ଆପଣ ଶୁଣିଥିବେ । କିମ୍ବା କରେଣ୍ଟ ସର୍ଟ ସର୍କିଟ କାରଣରୁ ଘର ପୋଡ଼ିଯିବା ଦେଖିଥିବେ । ଏମିତି ଅନେକ କାରଣ ରହିଛି ଯେଉଁଥିପାଇଁ ଘର ଜଳିଯାଏ । ତେବେ ଆଜି ଆମେ ଏମିତି ଏକ ଘଟଣା ସମ୍ପର୍କରେ କହିବୁ ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏଭଳି ଏକ ଘଟଣା ଯାହା କେହି କେବେ ପୂର୍ବରୁ ଶୁଣିନଥିବେ ।

କାରଣ ଏଠି ଘର କାହାର ପୂର୍ବ ଶତ୍ରୁତା ପାଇଁ ଜଳିନାହିଁ କି କରେଣ୍ଟ ସର୍ଟ ସର୍କିଟ ପାପଁ ଜଳିନାହିଁ  । ଘର ଜଳିଛି ଗୋଟିଏ କୁକୁର ପାଇଁ । ହଁ ଆଜ୍ଞା ଏହା ଆଶ୍ଚର୍ଯ୍ୟ ଲାଗିଲେବି ସତ । କେବଳ କୁକୁର ମାଂସ ଖାଇବା ପାଇଁ ଘର ଜାଳିଦେଇଛି ଜଣେ ଯୁବକ । ମଦ ପି ଘରକୁ ଆସି କହିଥିଲେ କୁକୁର ମାଂସ ଖାଇବା ପାଇଁ । ସାଙ୍ଗରେ ଘରକୁ ଆଣିଥିଲେ ରାସ୍ତାରେ ବୁଲୁଥିବା ଗେଟିଏ ବୁଲା କୁକୁର । ଏଭଳି ଏକ ଘଟଣା ଦେଖିବାକୁ ମିଳିଛି ଢେଙ୍କାନାଳ କଙ୍କଡାହାଡ ବ୍ଲକ କିର୍ତ୍ତନପୁର ଗାଁରେ ।

ସୂଚନା ଅନୁଯାୟୀ, ଉକ୍ତ ଗାଁର ଶୁକଦେବ ପ୍ରଧାନ ନାମକ ଯୁବକ ନିଶାସକ୍ତ ଅବସ୍ଥାରେ ଏକ କୁକୁର ନେଇ ଘରକୁ ଆସିଥିଲା । ପରେ କୁକୁର ମାଂସ ରୋଷଇ କରି ଖାଇବାକୁ ଦେବାକୁ ମା ଓ ସ୍ତ୍ରୀକୁ ବାଧ୍ୟ କରିଥିଲା । ଏଥିରେ ଉଭୟ ଅମଙ୍ଗ ହେବାରୁ ହାଣିବାକୁ ଉଦ୍ୟମ କରିବା ସହ ଘରେ ନିଆଁ ଲଗାଇଦେଇଥିଲା । ଏନେଇ କଙ୍କଡ଼ାହାଡ଼ ଥାନାରେ ଏତଲା ଦେବା ପରେ ପୋଲିସ ଶୁକଦେବକୁ ଗିରଫ କରି ଜେଲକୁ ପଠାଇଦେଇଛି ।