ଜଳିଗଲା ୧୮ ବଖରା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ

କେନ୍ଦ୍ରାପଡ଼ା/ଭଦ୍ରକ : ପଟ୍ଟ।ମୁଣ୍ଡାଇ ଘଡିଆମାଳରେ ଭୟାବହ ଅଗ୍ନିକାଣ୍ଡ । ଏଥିରେ ୧୨ ବଖରା ଘର ଜଳିଯିବ ସହ ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଛି । ଗତକାଲି ବିଳମ୍ବିତ ରାତିରେ ଗାଁର ପର୍ଶୁରାମ ରାଉତ ଏବଂ ପାର୍ଥସାରଥୀଙ୍କ ଘରେ ନିଆଁ ଲାଗି ଆସବାବପତ୍ର ଏବଂ ଧନସମ୍ପତ୍ତି ଜଳିଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବାବେଳେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।

ସେହିଭଳି ଭଦ୍ରକ ଜିଲ୍ଲା ବାସୁଦେବପୁର ଅଞ୍ଚଳର ବରଣ୍ଡୁଆ ଗାଁରେ ଅଗ୍ନିକାଣ ଘଟିଛି । ସେହି ଗାଁର କୈଳାଶ ମହାପାତ୍ରଙ୍କ ୬ ବଖରା ଘର ନିଆଁରେ ପୋଡିଯିବା ସହ ଲକ୍ଷାଧିକ ଟଙ୍କାର ଧନସମ୍ପତ୍ତି ନଷ୍ଟ ହୋଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଅନ୍ୟପଟେ ଅଗ୍ନିଶମ ବାହିନୀ ବିଳମ୍ବରେ ପହଞ୍ଚିବାକୁ ନେଇ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା ।