ବାଲିଗୁଡ଼ାରେ ଅନ୍ଧବିଶ୍ୱାସକୁ ଢାଲ କରି ଘର ଭାଙ୍ଗିଦେଲେ

1 min read

ବାଲିଗୁଡ଼ା: ଅନ୍ଧବିଶ୍ୱାସକୁ ଢାଲ କରି ଘର ଭାଙ୍ଗିଦେଲେ ଲୋକେ । ପୂର୍ବ ଶତ୍ରୁତାର ପ୍ରତିଶୋଧ ନେବାକୁ ଯାଇ ଏଭଳି କାଣ୍ଡ ଭିଆଇଛନ୍ତି । ଏଭଳି  ଅଭିଯୋଗ ହୋଇଛି କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଡିଙ୍ଗେଲକିଆ ଗାଁରେ । ଗୁଣିଗାରେଡ଼ି କରୁଥିବା ସନ୍ଦେହରେ ଅନାଦି ମାଲିକଙ୍କ ଘର ଭାଙ୍ଗି ଦେଇଛନ୍ତି ୨୦ରୁ ଅଧିକ ଲୋକ  । ଏନେଇ ବାଲିଗୁଡା ଥାନାରେ ଅଭିଯୋଗ ପରେ ୧୦ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ । ଅଭିଯୋଗ ଅନୁସାରେ ଗାଁର ଜଣେ ଯୁବତୀଙ୍କ ଶରୀରରେ କାଳେଶୀ ଉଭା ହୋଇ ଅନାଦି ଗୁଣି କରୁଥିବା କହିଥିଲେ  । ଫଳରେ ଲୋକମାନେ ତାଙ୍କ ଘର ଭାଙ୍ଗିଦେଇଥିବା ଅଭିଯୋଗ ହୋଇଛି  । ପୂର୍ବରୁ ମଧ୍ୟ ସମାନ ଢଙ୍ଗରେ ଗାଁର ବୁଦାରା ପ୍ରଧାନଙ୍କ ଘର ଭାଙ୍ଗି ଦେବା ସହିତ ତାଙ୍କୁ ଗାଁରୁ ତଡ଼ି ଦେବାକୁ କିଛି ଲୋକ ଉଦ୍ୟମ କରିଥିଲେ  । ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାଇବା ବେଳେ ଉତ୍ତ୍ୟକ୍ତ ଲୋକେ ପୋଲିସକୁ ମଧ୍ୟ ଧମକ ଦେଇଥିଲେ  । ପରେ ଲୋକଙ୍କୁ ଥାନାକୁ ଡାକି ବୁଝାସୁଝା କରିଥିଲା ପୋଲିସ୍  । କିଛି ଯୁବ ଗୋଷ୍ଠୀ ଜାଣିଶୁଣି ଅନ୍ଧ ବିଶ୍ବାସକୁ ପ୍ରବର୍ତ୍ତାଇବା ସହ ନିଜର ବ୍ୟକ୍ତିଗତ ଶତ୍ରୁତାର ପ୍ରତିଶୋଧ ନେଉଥିବା ପୋଲିସ୍ ଜାଣିବାକୁ ପାଇଛି  ।

ଏଥିସହିତ ପଢ଼ନ୍ତୁ: ଅପରେସନ ଗରଳରେ ଇଣ୍ଟରନ୍ୟାସନାଲ ଲିଙ୍କ ! ତଦନ୍ତଭାର ନେଇପାରେ କ୍ରାଇମ୍‌ବ୍ରାଞ୍ଚ

Opn Commnet Area

Leave a Reply

Your email address will not be published. Required fields are marked *

Close Bitnami banner