ମଝି ଆକାଶରେ ଲାଗିଲା ନିଆଁ, ଚାଲିଗଲା ୩ ନିରୀହ ଜୀବନ..

ୱାଶିଂଟନ: ମଝି ଆକାଶରେ ଲାଗିଲା ନିଆଁ।  ହର୍ଟ ଏୟାର ବେଲୁନରେ ଉଡିବା ହେଲା କାଳ। କିଛି ଭାବିବା ଆଗରୁ ଚାଲିଗଲା ୩ ନିରୀହଙ୍କ ଜୀବନ। ଏମିତି କିଛି ଭୟଙ୍କର ଘଟଣା ଘଟିଛି ଆମେରିକା ମେକ୍ସିକୋର ପ୍ରସିଦ୍ଧ ଟିଓତିୱାକାନ୍ ପ୍ରତ୍ନତାତ୍ତ୍ୱିକ ପର୍ଯ୍ୟଟକ ସ୍ଥଳରେ। ମନୋରଞ୍ଜନ ପାଇଁ ହର୍ଟ ଏୟାର ବେଲୁନରେ ଉଡିବାକୁ ଯାଇଥିଲେ କିଛି ପର୍ଯ୍ୟଟକ। କିଛି ଦୂର ଉଡିବା ପରେ ହଠାତ ବେଲୁନରେ ନିଆଁ ଲାଗିଲା । ମଝି ଆକାଶରେ ଏଭଳି ଏକ ଘଟଣା ସମସ୍ତଙ୍କ ହୃଦୟ ସ୍ପନ୍ଦନ ଅଟକାଇ ଦେଇଥିଲା। ହର୍ଟ ଏୟାର ବେଲୁନରେ ନିଆଁ ଲାଗିବା ଦ୍ବାରା ୩ ଜଣଙ୍କ ମୃତ୍ୟୁ ହୋଇଛି ।

ମେସ୍କିକୋର ସରକାରୀ ରିପୋର୍ଟ ଅନୁଯାୟୀ, ନିଆଁ ଲାଗିବା ପରେ ବେଲୁନରେ ବସିଥିବା ଯାତ୍ରୀ ଡରରେ ବେଲୁନ ଉପରୁ ତଳକୁ ଡେଇଁ ପଡିଥିଲେ। ଦୁର୍ଘଟଣାରେ ଜଣେ ଶିଶୁ ଜୀବନ୍ତଦଗ୍ଧ ହୋଇଥିବା ସୂଚନା ମିଳିଛି। ଘଟଣାରେ ମୃତ ଯାତ୍ରୀଙ୍କ ପରିଚୟ ମିଳିପାରି ନାହିଁ । ପ୍ରାଣ ହରାଇଥିବା ବ୍ୟକ୍ତିଙ୍କ ମଧ୍ୟରୁ ଜଣେ ୩୯ ବର୍ଷିୟ ମହିଳା ଥିବା ବେଳେ ଅନ୍ୟଜଣେ ୫୦ ବର୍ଷିୟ ବ୍ୟକ୍ତି ରହିଛନ୍ତି। ଏହି ଅଗ୍ନିକାଣ୍ଡରେ ଜୀବନ୍ତଦଗ୍ଧ ହୋଇଥିବା ଶିଶୁଟିର ଚେହେରା ଚିହ୍ନିବା ସମ୍ଭବ ହେଉନାହିଁ। ଏହାସହ ପିଲାଟିର ଡାହାଣ ପାଦ ମଧ୍ୟ ଫ୍ୟାକ୍ଚର ହୋଇଥିବା ସୂଚନା ମିଳିଛି । ତେବେ ଏହି ହର୍ଟ ଏୟାର ବେଲୁନରେ କେତେ ଜଣ ଯାତ୍ରୀ ଥିଲେ ତାହା ସ୍ପଷ୍ଟ ହୋଇପାରିନାହିଁ।  ଅନ୍ୟପଟେ ଏହି ଦୁର୍ଘଟଣାର ସଂପୂର୍ଣ୍ଣ ଭିଡିଓ ସୋସିଆଲ ମିଡିଆରେ ସେୟାର କରାଯାଇଛି।

ଭିଡିଓରେ ଦେଖି ପାରିବେ ଯେ , ସ୍ୱଚ୍ଛ ଆକାଶରେ ଉଡ଼ିବା ସମୟରେ ହଠାତ କେଉଁ କାରଣରୁ ବେଲୁନରେ ନିଆଁ ଲାଗିଯାଉଛି । ଯାତ୍ରୀମାନେ ଜୀବନ ବଂଚାଇବା ପାଇଁ ଶେଷରେ ବେଲୁନରୁ ତଳକୁ ଡେଇଁ ପଡିଥିଲେ । କହି ରଖୁଛୁ, ଏହି ଟିଓତିୱାକାନ୍ ସହରଟି ମେକ୍ସିକୋର ଏକ ଲୋକପ୍ରିୟ ପର୍ଯ୍ୟଟକ ସ୍ଥଳି ଅଟେ । ଯେଉଁଠାରେ ସୂର୍ଯ୍ୟ ଏବଂ ଚନ୍ଦ୍ରମା ପିରାମିଡର ଏକ ଧ୍ୱଂସାବଶେଷ ରହିଛି । ବର୍ଷସାରା ଏଠାରେ ପର୍ଯ୍ୟଟକଙ୍କ ଗହଳି ଲାଗିରହିଥାଏ ।