ସୈତାନ ସାଜୁଛନ୍ତି ସୁରକ୍ଷାକର୍ମୀ, ମର୍ଚୁଆରୀରେ ମହିଳା ଓ ଯୁବତୀଙ୍କ ଶବ ସହ ଯୌନ ଅପରାଧ ମାମଲା

ବେଙ୍ଗାଲୁରୁ: ଶବ ସହ ଦୁଷ୍କର୍ମ । ସୈତାନ ସାଜୁଛନ୍ତି ଶବ ଗୃହର ସୁରକ୍ଷାକର୍ମୀ । ଯୁବତୀ ଓ ମହିଳାଙ୍କ ଶବକୁ ଦୁଷ୍କର୍ମ ଘଟଣା ବଢ଼ୁଥିବା ବେଳେ ଏହି ଅପରାଧ ରୋକିବାକୁ କର୍ଣ୍ଣାଟକ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ରାଜ୍ୟର ସମସ୍ତ ସରକାରୀ ଓ ବେସରକାରୀ ଡାକ୍ତରଖାନାର ଶବାଗାରରେ ସିସିଟିଭି କ୍ୟାମେରା ଲଗାଇବାକୁ ନିର୍ଦ୍ଦେଶ ଦିଆଯାଇଛି । ଏଥିପାଇଁ ସରକାରଙ୍କୁ ୬ ମାସ ସମୟ ଦିଆଯାଇଛି । ହତ୍ୟା ଏବଂ ନେକ୍ରୋଫିଲିଆ ବା ଶବକୁ ଦୁଷ୍କର୍ମ ମାମଲାର ଶୁଣାଣି ବେଳେ  ହାଇକୋର୍ଟ ଡିଭିଜନ ବେଞ୍ଚ କହିଛନ୍ତି, ଶବାଗାରରେ ରହୁଥିବା ଯୁବତୀଙ୍କ ମୃତଦେହ ସହ ସୁରକ୍ଷାକର୍ମୀ ଯୌନସମ୍ପର୍କ ରଖିବା ଭଳି ଅନେକ ଘଟଣା ସାମ୍ନାକୁ ଆସୁଛି । ମହିଳା ଓ ଯୁବତୀଙ୍କ ଶବର ସମ୍ମାନ ରକ୍ଷା ପାଇଁ ଆଗକୁ ଯେମିତି ଏଭଳି ଅପରାଧ ନଘଟେ ସେ ଦିଗରେ ସରକାର ପଦକ୍ଷେପ ନେବା ଆବଶ୍ୟକ ।

ଶବ ସହ ଦୁଷ୍କର୍ମ ଭଳି ଘୃଣ୍ୟ ଅପରାଧ ମାମଲାରେ ଦୋଷୀକୁ ଦଣ୍ଡବିଧାନ ପାଇଁ ଭାରତରେ କୌଣସି ଆଇନ ନାହିଁ । କେନ୍ଦ୍ର ସରକାର ଏଭଳି ଜଘନ୍ୟ ଅପରାଧ ପାଇଁ ନୂତନ ଆଇନ ଆଣିବାକୁ ପରାମର୍ଶ ଦେଇଛନ୍ତି ଜଷ୍ଟିସ ବି ଭେରାପ୍ପା ଏବଂ ଜଷ୍ଟିସ ଭେଙ୍କଟେଶ ନାୟକଙ୍କ ହାଇକୋର୍ଟ ଡିଭିଜନ ବେଞ୍ଚ ।