ସଂସଦ ଅଧିବେଶନ ଆରମ୍ଭରୁ ଘଣ୍ଟାଏ ମୁଲତବୀ, ପ୍ରଣବଙ୍କୁ ମନେପକାଇ ସାଂସଦ କଲେ ନୀରବ ପ୍ରାର୍ଥନା

1 min read

ନୂଆଦିଲ୍ଲୀ: ସଂସଦ ଆରମ୍ଭରୁ ମୁଲତବୀ । ଆରମ୍ଭରୁ ଏକ ଘଣ୍ଟା ପାଇଁ ସଂସଦକୁ ମୁଲତବୀ ରଖାଯାଇଛି । ଆଜି ପ୍ରଥମ ଦିନର ଲୋକସଭା ସଂସଦ ଅଧିବେଶନରେ ସାଂସଦମାନେ ଆରମ୍ଭରୁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ମନେ ପକାଇ ନିରବ ପ୍ରାର୍ଥନା ସହ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଏହାସହ କିମ୍ବଦନ୍ତୀ ଭାରତୀୟ ଶାସ୍ତ୍ରୀୟ କଣ୍ଠଶିଳ୍ପୀ ପଣ୍ଡିତ ୟସରାଜ, ଛତିଶଗଡର ପୂର୍ବତନ ମୁଖ୍ୟମନ୍ତ୍ରୀ ଅଜିତ ଯୋଗୀ, ରାଜ୍ୟପାଳ ଲାଲଜୀ ଟଣ୍ଡନ, ଉତ୍ତରପ୍ରଦେଶର ମନ୍ତ୍ରୀ କମଲ ରାନୀ ଏବଂ ଚେତନ ଚୌହାନ ଏବଂ ପୂର୍ବତନ କେନ୍ଦ୍ରମନ୍ତ୍ରୀ ରଘୁବଂଶ  ପ୍ରସାଦ ସିଂଙ୍କୁ ମନେ ପକାଇ ସମସ୍ତଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।

ଏହି ଅବସରରେ ମୌସୁମୀ ଅଧିବେଶନକୁ ନେଇ ପ୍ରଧାନମନ୍ତ୍ରୀ କହିଛନ୍ତି ବିଶେଷ ପରିସ୍ଥିତିରେ ଚଳିତଥର ସଂସଦ ଅଧିବେଶନ ଆରମ୍ଭ ହେଉଛି । କରୋନା ଭଳି ମହାମାରୀ ସମୟରେ ସଂସଦ ଅଧିବେଶନ ଆରମ୍ଭ ହେଉଥିବାରୁ ସବୁ ପ୍ରକାର କଟକଣାକୁ ମାନ ଅଧିବେଶନ ଚାଲିବ । କରୋନା ତ ରହିଛି ସତ, ହେଲେ ଏହାରି ମଧ୍ୟ ନିଜର କର୍ତ୍ତବ୍ୟ ବି ପାଳନ କରିବାକୁ ହେବ । ଚଳିତ ଅଧିବେଶନରେ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବ । ଯେ ପର୍ଯ୍ୟନ୍ତ କରୋନାର ଔଷଧ ଆସିନାହିଁ, ସେ ଯାଏଁ କୌଣସି ଦିଗକୁ ମଧ୍ୟ ଅବହେଳା କରାଯିବା ଉଚିତ୍‌ ନୁହେଁ । ସରକାରଙ୍କ ପକ୍ଷରୁ ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯିବ ।

ଏହି ଅବସରରେ ମୋଦି ଭାରତ ଓ ଚୀନ୍ ମଧ୍ୟୀରେ ଲାଗିରହିଥିବା ବିବାଦ କଥା ମଧ୍ୟ କହିଛନ୍ତି । ସୀମାରେ ମୁତୟନ ଥିବା ଭାରତୀୟ ଯବାନଙ୍କ ପାଇଁ ସାରା ଦେଶ ଓ ପୁରା ସଦନ ଛିଡ଼ା ହୋଇଛି ।

Leave a Reply