ହଜାରେ ରୂପ ଦେଖାଉଛି କରୋନା, ସୁସ୍ଥ ହେବା ପରେ ପୁଣି ହେଉଛି କରୋନା

ନୂଆଦିଲ୍ଲୀ: ମୁଣ୍ଡ ବ୍ୟଥାର କାରଣ ପାଲଟିଛି କରୋନା । ଗୋଟିଏ ପରେ ଗୋଟିଏ ସାଙ୍ଘତିକ ରୂପ ଦେଖାଉଛି କରୋନା । କରୋନାକୁ ନେଇ ପ୍ରତିଦିନ ଗୋଟେ ଗୋଟେ ନୂଆ ତଥ୍ୟ ସାମ୍ନାକୁ ଆସୁଛି । ଆଜି ପୁଣି ଆଉ ଗୋଟେ ସାଙ୍ଘାତି ତଥ୍ୟ ସାମ୍ନାକୁ ଆସିଛି  । ଯେଉଁ ତଥ୍ୟ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ସୁସ୍ଥ ହେବା ପରେ ଆପଣଙ୍କୁ ପୁଣି କରୋନା ହୋଇପାରେ । ଏହା ଆମେ କହୁନୁ ଏହା ତଥ୍ୟ କହୁଛି । କାରଣ ଠିକ୍ ହେବା ପରେ ପୁଣି କରୋନାରେ ଆକ୍ରାନ୍ତ ହୋଇଛନ୍ତି ଜଣେ ବ୍ୟକ୍ତି । ହଂକଂରେ କରୋନାରେ ଆକ୍ରାନ୍ତ ହୋଇ ସୁସ୍ଥ ହୋଇଥିବା ଜଣେ ବ୍ୟକ୍ତି ପୁଣି ପଜିଟିଭ ଚିହ୍ନଟ ହୋଇଛନ୍ତି ।

୩୩ ବର୍ଷୀୟ ସଂକ୍ରମିତ କରୋନା ପଜିଟିଭ ଚିହ୍ନଟ ହେବା ପରେ ଏପ୍ରିଲରେ ଚିକିତ୍ସା ପରେ ସୁସ୍ଥ ହୋଇଥିଲେ । ତେବେ ପ୍ରାୟ ସାଢେ ୪ ମାସ ପରେ ବ୍ରିଟେନ ଓ ସ୍ପେନରୁ ଫେରିବା ପରେ ପୁଣି ତାଙ୍କ ରିପୋର୍ଟ ପଜିଟିଭ ଆସିଛି । ମାତ୍ର କିଛି ମାସ ମଧ୍ୟରେ ପୁଣି ଥରେ ସଂକ୍ରମିତ ହେବାର ଏହା ପ୍ରଥମ ମାମଲା ବୋଲି କୁହାଯାଉଛି । ଏହାପରେ ଭ୍ୟାକ୍‌ସିନର ରୋଗ ପ୍ରତିରୋଧକ ଶକ୍ତି ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ସାରା ଜୀବନ ପାଇଁ ଭ୍ୟାକସିନ୍ ସୁରକ୍ଷା ଦେଇପାରିବନାହିଁ । ଖୁବ କମ୍ ସମୟରେ ପୁନଃସଂକ୍ରମଣ ହୋଇପାରିବ ବୋଲି ବିଶେଷଜ୍ଞ କହିଛନ୍ତି ।