ହନିଟ୍ରାପ ମାମଲା: ଲୋକଙ୍କୁ ଚୁନା ଲଗାଇବା ପାଇଁ ନାଁ ବଦଳାଇଥିଲା ଇରାନୀ

ଭୁବନେଶ୍ୱର: ବ୍ଲାକମେଲର ଇରାନୀ ପାତ୍ର ହନିଟ୍ରାପ ମାମଲା। ଖୋଲୁଛି ଦମ୍ପତ୍ତିଙ୍କ ଠକେଇର କୁହୁକ ପେଡି। ଲୋକଙ୍କୁ ଚୁନା ଲଗାଇବା ପାଇଁ ନାଁ ବଦଳାଇଥିଲା ଇରାନୀ। ସୋସିଆଲ ମିଡିଆରେ ଲିପ୍ସା ମହାନ୍ତି ନାଁରେ ଥିଲେ ପରିଚିତ। ଯିଏ ଟ୍ରାପରେ ଫଶୁନଥିଲା, ତାକୁ ନ୍ୟୁଡ଼ କଲ କରୁଥିଲା ଇରାନୀ।

ପୁରା ସିଣ୍ଡିକେଟରେ ସାହାଯ୍ୟ କରୁଥିଲା ସ୍ୱାମୀ ନିଶିକାନ୍ତ ପାତ୍ର ଓରଫ ବାପି। ପର ପୁରୁଷ ହାତରେ ସ୍ତ୍ରୀକୁ ଟେକିଦେବା ପାଇଁ ଘରକୁ ସଜାଉଥିଲା ବାପି। ବେଡ଼ ଉପରେ ରଜନିଗନ୍ଧା ବିଛାଇ ଲୋକଙ୍କୁ ଘରକୁ ଡାକୁଥିଲା। ଜଣେ ଡାକ୍ତରଙ୍କ ସହ ମୋଟ ୪ ଜଣ ଇରାନୀ ବିରୋଧରେ ଏତଲା ଦେଇଛନ୍ତି। ୨୦ ରୁ ଉର୍ଦ୍ଧ ଠକେଇର ଶିକାର ହୋଇଥିବା ପୋଲିସ ସନ୍ଦେହ କରୁଛି। ପ୍ରଥମେ ସ୍ୱାମୀ ଓ ପରେ ସ୍ତ୍ରୀକୁ ରିମାଣ୍ଡରେ ଆଣି ପଚରାଉଚରା କରିବ ପୋଲିସ।