ଭୁବନେଶ୍ୱର: ଭୁବନେଶ୍ୱର ଇରାନୀ ଗ୍ୟାଙ୍ଗର ଗିରଫ ମାମଲା। ରିମାଣ୍ଡରେ ଆସିବ ଇରାନି ସ୍ୱାମୀ ନିଶିକାନ୍ତ ପାତ୍ର । ୫ ଦିନିଆ ରିମାଣ୍ଡରେ ଆଣିବା ଲାଗି ଏସଡିଜେଏମ୍ କୋର୍ଟରେ ଆବେଦନ କରିବ ତମାଣ୍ଡୋ ଥାନା ପୋଲିସ। ରିମାଣ୍ଡରେ ଆସିଲେ ଖୋଲିବ ହାନିଟ୍ରାପ ଲିଙ୍କ। ଆଗକୁ ଇରାନୀକୁ ମଧ୍ୟ ରିମାଣ୍ଡରେ ଆଣିବ ପୋଲିସ। ଏବେ ସୁଦ୍ଧା ଗ୍ୟାଙ୍ଗ ବିରୋଧରେ ୩ଟି ମାମଲା ରୁଜୁ ହୋଇଛି।
୩ ଜଣଙ୍କ ମଧ୍ୟରେ ଜଣେ ଡାକ୍ତର, ଛାତ୍ର ଓ ବୋଲଗଡ଼ର ଜଣେ ଗ୍ରୋସରି ବ୍ୟବସାୟୀ ଅଛନ୍ତି। ଇରାନୀ ଓ ତା’ ସ୍ୱାମୀର ସିଡିଆର ଆନାଲିସିସ କରୁଛି ପୋଲିସ। ଏପରି ସେମାନଙ୍କ ମୋବାଇଲକୁ ଜବତ କରି ତଦନ୍ତ ଲାଗି ଫରେନସିକ ଲାବକୁ ପଠାଇଛି ପୋଲିସ।
ସୂଚନା ଅନୁଯାୟୀ, ଡାକ୍ତରଙ୍କ ପରେ ଅନ୍ୟ ୩ ଜଣକୁ ହନିଟ୍ରାପରେ ପକାଇବାକୁ କରୁଥିଲେ ଯୋଜନା । କଳିଙ୍ଗ ନଗରର ଜଣେ ବ୍ୟବସାୟୀଙ୍କ ଠାରୁ ୩ ଲକ୍ଷ ଟଙ୍କା ଲୁଟିଛନ୍ତି। ଲୋକଲଜ୍ୟା ଭୟରେ ବ୍ୟବସାୟୀ ଜଣକ ଥାନାରେ ଅଭିଯୋଗ କରିନାହାନ୍ତି। ତେବେ ସାରା ରାଜ୍ୟରେ ସେମାନେ ଠକେଇ କରିଥିବା ପୋଲିସର ସନ୍ଦେହ। ଖାଲି ଏତିକି ନୁହେଁ ଠକେଇର ଶିକାର ହୋଇଥିଲେ ଥାନାରେ ଅଭିଯୋଗ କରିବାକୁ ପୋଲିସ ପକ୍ଷରୁ ଅପିଲ କରାଯାଇଛି।
