ନୂଆଦିଲ୍ଲୀ: ଦିଲ୍ଲୀରୁ ଓଡ଼ିଶା ଗସ୍ତରେ ଆସିଛନ୍ତି ଗୃହମନ୍ତ୍ରାଳୟର ୪ଜଣିଆ ଟିମ୍ । ପୁରୀ ଜିଲ୍ଲା କୋଣାର୍କରେ ପହଞ୍ଚି ଅନୁପ୍ରବେଶକାରୀଙ୍କୁ ରୋକିବାକୁ କେତେ ପ୍ରସ୍ତୁତ ସାମୁଦ୍ରିକ ଥାନା ସେନେଇ ତଦାରଖ କରିଛନ୍ତି। ଦିଲ୍ଲୀ ଗୃହମନ୍ତ୍ରାଳୟର ୪ଜଣିଆ ଟିମ ନୂଆଗଡ ସାମୁଦ୍ରିକ ଥାନା ଗସ୍ତରେ ଆସି ନୂଆଗଡ ଥାନାର ପାରିପାର୍ଶ୍ୱୀକ ସ୍ଥିତି ଅନୁଧ୍ୟାନ କରିଥିଲୋ। କର୍ମଚାରୀଙ୍କ ସଂଖ୍ୟା, ଆନୁସାଙ୍ଗିକ ବ୍ୟବସ୍ତା ଉପରେ ଅନୁଧ୍ୟାନ କରିବା ପରେ ପାଟ୍ରୋଲିଂ ବ୍ୟବହୃତ ବୋଟ ସ୍ଥିତି ମଧ୍ୟ ଅନୁଧ୍ୟାନ କରିଥିଲେ । ଅନୁଧ୍ୟାନ ପରେ ବିଭିନ୍ନ ସମସ୍ୟା ତଥା ଆବଶ୍ୟକ ଭିତ୍ତିଭୂମିର ଅଭାବ ସାଙ୍ଗକୁ ସ୍ୱଳ୍ପ ପାରିଶ୍ରମିକ ସେମାନଙ୍କ ପାଇଁ ନିଷ୍ଠାପର ଭାବେ କାର୍ଯ୍ୟ କରିବାକୁ ବାଧା ଦେଇଛି। ଅନୁପ୍ରବେଶକାରୀଙ୍କୁ ରୋକିବାକୁ ସାମୁଦ୍ରିକ ଥାନା ପୋଲିସ ପାଖରେ ଯଥେଷ୍ଟ ପରିମାଣର ଅସ୍ତ୍ରଶସ୍ତ୍ର କି କର୍ମଚାରୀ ନଥିବା ସେମାନଙ୍କ ଦୃଷ୍ଟି ଗୋଚର ହୋଇଥିଲା। ଏହା ସହିତ ଆତଙ୍କବାଦୀ ଓ ବାଂଲାଦେଶୀ ଅନୁପ୍ରବେଶକାରୀ ଜଳପଥ ଦେଇ ପଶି ଆସିଲେ ସେମାନଙ୍କୁ ସାମ୍ନା କରିବାକୁ ସେମାନଙ୍କ ପାଖରେ ସର୍ବନିମ୍ନ ବ୍ୟବସ୍ଥା ନଥିବା ଟିମ ଅନୁଧ୍ୟାନ କରିଛି।
