୮ ବର୍ଷ କାର୍ଯ୍ୟ କଲେ SIରୁ ଇନ୍ସପେକ୍ଟର ପଦକୁ ମିଳିବ ପଦୋନ୍ନତି
1 min read
ଭୁବନେଶ୍ୱର: ପୋଲିସ କର୍ମଚାରୀଙ୍କ ପାଇଁ ଖୁସି ଖବର । ପୋଲିସ ମାନୁଆଲରେ ସଂଶୋଧନ କରିଛନ୍ତି ରାଜ୍ୟ ସରକାର । ଏନେଇ ରାଜ୍ୟ ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ପୋଲିସ୍ ମାନୁଆଲ୍ ଆଇନର ଧାରା ୬୫୦ (ii) ଅନୁସାରେ ସବ୍ ଇନ୍ସପେକ୍ଟର ପଦରୁ ଇନ୍ସପେକ୍ଟର ପଦକୁ ପଦୋନ୍ନତି ପାଇଁ ଯୋଗ୍ୟତା ମାନଦଣ୍ଡରେ କୋହଳ କରାଯାଇଛି ।
ପୂର୍ବରୁ ଏସ୍ଆଇ ଭାବେ ୧୦ ବର୍ଷର କାର୍ଯ୍ୟ ଅଭିଜ୍ଞତା ଥିଲେ ଇନ୍ସପେକ୍ଟର ପଦକୁ ପଦୋନ୍ନତି ମିଳୁଥିଲା । ପୋଲିସ ମାନୁଆଲରେ ସଂଶୋଧନ ଅନୁସାରେ ୮ ବର୍ଷରେ କାର୍ଯ୍ୟ ଅଭିଜ୍ଞତା ଥିଲେ ପଦୋନ୍ନତ ମିଳିବ । ତେବେ, ଏଥିପାଇଁ ଏସଆଇ ଟ୍ରେନିଂ ସମ୍ପୂର୍ଣ୍ଣ ସହ ପରୀକ୍ଷାରେ ସଫଳତା ମିଳିଥିବା ଆବଶ୍ୟକ । ଏହି ସଂଶୋଧନ ୨୦୨୧ ବର୍ଷ ଲାଗି ତୁରନ୍ତ ଲାଗୁ କରାଯିବ ବୋଲି ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ଏଥିସହ ପଢ଼ନ୍ତୁ- ASI କରିବେ ମାମଲାର ଅନୁସନ୍ଧାନ ଓ ତଦନ୍ତ
