କିଙ୍ଗ ଖାନଙ୍କ ସହ ଫିଲ୍ମ କରିବାକୁ ଚାହାଁନ୍ତି ଏହି ଓସ୍କାର ବିଜେତା ହଲିଉଡ ଅଭିନେତ୍ରୀ

ନନ୍ଦିଘୋଷ ବ୍ୟୁରୋ: ଶାହାରୁଖ ଖାନଙ୍କ ଫ୍ୟାନ୍ସ ସବୁଠି । କେବଳ ଭାରତ ନୁହେଁ ବିଦେଶରେ ମଧ୍ୟ ତାଙ୍କର ବେଶ କ୍ରେଜ୍ ଦେଖିବାକୁ ମିଳେ । ବଲିଉଡର ବାଦଶାହାଙ୍କ ଅଭିନୟ ସମସ୍ତଙ୍କୁ ବାନ୍ଧି ରଖି ପାରିଛି । ତାଙ୍କ ସହ ଅଭିନୟ କରିବା ପାଇଁ ହିରୋଇନ ମାନେ ଲାଇନ ଲଗାଇଥାନ୍ତି । ତେବେ ଓସ୍କାର ବିଜେତା ଅଭିନେତ୍ରୀ ମଧ୍ୟ ଶାହାରୁଖଙ୍କ ସହ ଅଭିନୟ କରିବା ପାଇଁ ଚାହୁଁଛନ୍ତି । ହଲିଉଡର ଜଣାଶୁଣା ଅଭିନେତ୍ରୀ ଯିଏକି ଓସ୍କାର ବିଜେତା । ତଥାପି ସେ କିଙ୍ଗ ଖାନଙ୍କ ହିରୋଇନ ହେବାକୁ ଚାହୁଁଥିବା ଏକ ଇଣ୍ଟରଭିୟୁରେ କହିଛନ୍ତି । ତେବେ ସେହି ଅଭିନେତ୍ରୀ ଜଣକ ହେଲେ ନିକୋଲ କିଡମେନ । ସେ କହିଛନ୍ତି ଶହାରୁଖଙ୍କ ସହ କାମ କରିବା ବହୁଲ ଭଲ । ଜୁମରେ ବାର୍ତ୍ତାଳାପ ବେଳେ ନିକୋଲ କହିଛନ୍ତି କି, ମୁଁ ଗୋଆ, ଜୟପୁର ଆଦି ସହରକୁ ଯାଇଛି । ମୁଁ ଐଶର୍ଯ୍ୟା ରାୟ ବଚ୍ଚନଙ୍କ ସହ ମଧ୍ୟ ଭେଟ ହୋଇଛି । ଏହାସହ ’ଦ ପରଫେକ୍ଟ କପଲ’ ସିରିଜରେ ଇଶାନ ଖଟରଙ୍କ ସହ ମଧ୍ୟ ଭଅିନୟ କରିଛନ୍ତି । ଏହାସହ ତାଙ୍କୁ ପଚରା ଯାଇଥିଲା କି, ଆପଣ ଶାହାରୁଖଙ୍କ ସହ ଅଭିନୟ କରିବେ କି ? ଯାହାର ଉତ୍ତରରେ ସେ କହିଥିଲେ ଭଲ ହୁଅନ୍ତା । ସେପଟେ ନିକୋଲଙ୍କ ପୂର୍ବରୁ ବହୁ ଜଣାଶୁଣା ହଲିଉଡ ଅଭିନେତ୍ରୀ ମଧ୍ୟ ଶାହାରୁଖଙ୍କ ସହ ଫିଲ୍ମ କରିବା ପାଇଁ ଚାହୁଁଥିବା ଜଣାଇଛନ୍ତି ।

କହି ରଖୁଛୁ କି, ବଲିଉଡକୁ ବହୁ ହିଟ୍ ଫିଲ୍ମ ଉପହାର ଦେଇଥିବା କିଙ୍ଗ ଖାନଙ୍କ ଜ୍ବଳନ୍ତ ଅଭିନୟ ଦର୍ଶକଙ୍କୁ ଆଜି ମଧ୍ୟ ବାନ୍ଧି ରଖିଛି । ଜଓ୍ବାନ ନିକଟରେ ତାଙ୍କର ବେଶ ହିଟ୍ ହେବା ସହ ବକ୍ସ ଅଫିସରେ ଭଲ ରୋଜଗାର କରିଛି । ତେବେ ଆଗାମୀ ଦିନରେ ’ମୁଫାସା: ଦ ଲାୟନ କିଙ୍ଗ’ ଆସିବାକୁ ଯାଉଛି । ଶାହାରୁଖଙ୍କ ଅଭିନିତ ଏହି ଫିଲ୍ମ ପାଇଁ ସେ ବହୁତ ଉତ୍ସାହିତ ଅଛନ୍ତି । ଏହା ବକ୍ସ ଅଫିସରେ ବଡ଼ ରେକର୍ଡ କରିବ ବୋଲି ସେ ମଧ୍ୟ ଆଶାବାଦୀ ଅଛନ୍ତି ।