ଲସ୍ ଆଞ୍ଜେଲସ୍: ହଲିଉଡ୍ ଅଭିନେତା କ୍ରିଷ୍ଟିଆନ ଓଲିଭରଙ୍କ ମୃତ୍ୟୁ। ଏକ ବିମାନ ଦୁର୍ଘଟଣାରେ ତାଙ୍କର ପରଲୋକ ଘଟିଛି। ୫୧ ବର୍ଷୀୟ ଅଲିଭରଙ୍କ ସମେତ ତାଙ୍କର ଦୁଇ ଝିଅ ୧୦ ବର୍ଷୀୟା ମାଦିତା ଏବଂ ୧୨ ବର୍ଷୀୟା ଏନିକ ଦୁର୍ଘଟଣାରେ ମତ୍ୟୁ ହୋଇଛି। ଦୁର୍ଘଟଣାରେ ବିମାନର ପାଇଲଟଙ୍କର ମଧ୍ୟ ମୃତ୍ୟୁ ହୋଇଛି।
କାରିବିଆନ୍ ସମୁଦ୍ର ଅଂଚଳରେ୍ ତାଙ୍କର ବିମାନ ସମୁଦ୍ର ଗର୍ଭକୁ ଖସି ପଡିଥିଲା। ବିମାନ ଉଡ଼ାଣ ଭରିବାର କିଛି ମୁହୂର୍ତ୍ତ ମଧ୍ୟରେ ଏହା ଦୁର୍ଘଟଣାଗ୍ରସ୍ତ ହୋଇଥିଲା। ଗୋଟିଏ ଇଂଜିନ ବିଶିଷ୍ଟ ଏକ ଛୋଟ ଘରୋଇ ବିମାନରେ ଯାତ୍ରା କରୁଥିଲେ ଓଲିଭର। କୌଣସି ତ୍ରୁଟିରୁ ବିମାନଟି ସମୁଦ୍ରକୁ ଖସି ପଡିଥିଲା। ବିମାନ ଖସିବା ପରେ ଦୁର୍ଘଟଣାସ୍ଥଳରୁ ସ୍ଥାନୀୟ ମତ୍ସ୍ୟଜୀବୀ, ପୋଲିସ ଏବଂ କୋଷ୍ଟଗାର୍ଡ ସହାୟତାରେ ୪ ମୃତଦେହ ଉଦ୍ଧାର କରାଯାଇଥିଲା।
ଓଲିଭରଙ୍କ ପରିବାର ଛୁଟି କାଟିବାକୁ ବେକିଆ ଦ୍ବିୀପକୁ ଯାଇଥିଲେ । ସେଠାରୁ ସେଣ୍ଟ ଲୁସିଆ ଦ୍ବିପକୁ ଯାତ୍ରା କରୁଥିବାବେଳେ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ହଲିଉଡରେ ୬୦ରୁ ଅଧିକ ସିନେମାରେ ଅଭିନୟର ଛାପ ଛାଡିଯାଇଛନ୍ତି କ୍ରିଷ୍ଟିଆନ ଓଲିଭର। ଜର୍ମାନୀରେ ଜନ୍ମିତ ଏହି ହଲିଉଡ୍ ଅଭିନେତା ଅନେକ ହିଟ୍ ଫିଲ୍ମ ଦେଇଛନ୍ତି । ସାଥି କଳାକାର ଜର୍ଜ କ୍ଲୁନିଙ୍କ ସହ ଦ ଗୁଡ୍ ଜର୍ମାନ, ଆକ୍ସନ କମେଡି ସ୍ପିଡ୍ ରେସର ତାଙ୍କର ଲୋକପ୍ରିୟ ସିନେମା।
