ଆସୁଛି ରଙ୍ଗର ପର୍ବ ହୋଲି, ସବୁଠି ଜମି ଆସୁଛି ଉତ୍ସବର ପରିବେଶ

ଖୋର୍ଦ୍ଧା: ଆସୁଛି ରଙ୍ଗର ପର୍ବ ହୋଲି । ରଙ୍ଗ ଖେଳିବା ଲାଗି ସବୁଠି ଉତ୍ସବର ମାହୋଲ । ଚଳଚଞ୍ଚଳ ହେଲାଣି ହାଟ ବଜାର । ଖୋର୍ଦ୍ଧା ଜିଲ୍ଲା ଜଟଣୀରେ ଭଳିକି ଭଳି ରଙ୍ଗରେ ରଙ୍ଗୀନ ହେଉଛି ଦୋକାନ । ଗ୍ରାହକଙ୍କୁ ଆକୃଷ୍ଟ କରୁଛି ଆର୍ଗାନିକ ରଙ୍ଗ । ଲୋକଙ୍କ ପ୍ରଥମ ପସନ୍ଦ ପାଲଟିଛି ବିଭିନ୍ନ ଡିଜାଇନର ପିଚକାରୀ ସହ ହୋଲି ଟୋପି । ଚଳିତ ବର୍ଷ ରସାୟନିକ ବଦଳରେ ହର୍ବାଲ ରଙ୍ଗ ପାଲଟିଛି ସମସ୍ତଙ୍କ ପସନ୍ଦ ।

ସେପଟେ ଦୋଳପର୍ବ ପାଇଁ ଚଳଚଞ୍ଚଳ କେନ୍ଦ୍ରାପଡ଼ାର ମହାକାଳପଡ଼ା ଅଞ୍ଚଳ। ଗୋପାଳ ସମ୍ପ୍ରଦାୟଙ୍କ ଦୋଳ ପୂର୍ଣ୍ଣିମା ସବୁଠାରୁ ବଡ଼ ପର୍ବ ହୋଇଥିବାରୁ ସମସ୍ତେ ପ୍ରସ୍ତୁତିରେ ଲାଗିପଡ଼ିଛନ୍ତି । ଫଗୁ ଦଶମୀଠାରୁ ପଞ୍ଚୁଦୋଳ ପର୍ଯ୍ୟନ୍ତ ଏହି ଦୋଳ ପର୍ବ ପାଳନ କରାଯାଇଥାଏ । ପରିବାରର ସମସ୍ତ ସଦସ୍ୟ ନୂତନ ବସ୍ତ୍ର ପରିଧାନ କରିଥାନ୍ତି । ବିଶେଷ କରି ମହାକାଳପଡ଼ା ବ୍ଲକ ବିଭିନ୍ନ ପଞ୍ଚାୟତରେ ଦୋଳପର୍ବକୁ ଧୁମଧାମରେ ପାଳନ କରାଯାଏ ।