ରାଉରକେଲାରେ ଆୟୋଜିତ ହେବ ୨୦୨୩ ହକି ୱାର୍ଲଡ କପ୍, ଆରମ୍ଭ ହୋଇଛି ଜୋରଦାର ପ୍ରସ୍ତୁତି

ରାଉରକେଲା: ରାଉରକେଲା ସହରରେ ଆୟୋଜିତ ହେବ ୨୦୨୩ ହକି ୱାର୍ଲଡ କପ । ଏଥିପାଇଁ ଆରମ୍ଭ ହୋଇଛି ଜୋରଦାର ପ୍ରସ୍ତୁତି । ସ୍ଥିତି ଅନୁଧ୍ୟାନ ପାଇଁ ଆଜି ରାଉରକେଲା ଗସ୍ତରେ ଯିବେ ରାଜ୍ୟ କ୍ରୀଡ଼ା ମନ୍ତ୍ରୀ ତୁସାରକାନ୍ତି ବେହେରା ଓ ୫ଟି ସଚିବ ଭି କାର୍ତ୍ତିକେୟନ ପାଣ୍ଡିୟାନ୍ । ହକି ୱାର୍ଲକପ୍ ପ୍ରସ୍ତୁତି ନେଇ ଆୟୋଜିତ ସମୀକ୍ଷା ବୈଠକ ଯୋଗଦେବ ।

ବୈଠକ ପରେ ବିଜୁ ପଟ୍ଟନାୟକ ହକି ଷ୍ଟାଡିୟମର ସ୍ଥିତି ପରକ୍ଷିବେ ମନ୍ତ୍ରୀ ଓ ସଚିବ । ସେପଟେ ଗତକାଲିଠୁ ରାଉରକେଲାରେ ପହଞ୍ଚିଛନ୍ତି ଆନ୍ତର୍ଜାତିୟ ହକି ଫେଡେରେସନର ଅଧ୍ୟକ୍ଷ ନରିନ୍ଦର ବାତ୍ରା ଓ ହକି ଇଣ୍ଡିଆ ଟିମ ସଦସ୍ୟ । ଗତକାଲି ମଧ୍ୟ ହକି ୱାର୍ଲକପ୍ ପ୍ରସ୍ତୁତି ନେଇ ବସିଥିଲା ସମୀକ୍ଷା ବୈଠକ ।

ଏଥିରେ ରାଜ୍ୟ କ୍ରୀଡ଼ା ସଚିବ ବିଶାଳ କୁମାର ଦେବ ଓ ଇଡକୋ ସିଏମଡି ସଞ୍ଜୟ କୁମାର ସିଂ ଆୟୋଜନର ତଦାରଖ କରିଥିଲେ । ପ୍ରାକ ପ୍ରସ୍ତୁତି ନେଇ ସୁନ୍ଦରଗଡ଼ ଜିଲାପାଳ, ରାଉରକେଲା ମହାନଗର ନିଗମ କମିଶନର ଓ ରାଉରକେଲା ଅତିରିକ୍ତ ଜିଲ୍ଲାପାଳଙ୍କ ସହ ଆଲୋଚନା କରିଥିଲେ ବିଶାଳ ଦେବ ।