ମାଲକାନଗିରି: ମାଲକାନଗିରିରେ ହକି ବିଶ୍ଵକପ୍ ଟ୍ରଫିକୁ ଭବ୍ୟ ସ୍ଵାଗତ। ୨୦୨୩ ହକି ବିଶ୍ଵକପର ପ୍ରଚାର ପ୍ରସାର ଉଦ୍ଦେଶ୍ୟରେ ହକି ବିଶ୍ଵକପ୍ ଟ୍ରଫି ବିଭିନ୍ନ ରାଜ୍ୟ ପରେ ଆମ ରାଜ୍ୟର ବିଭିନ୍ନ ଜିଲ୍ଲା ପରିକ୍ରମା କରୁଛି । ଆଜି ହକି ବିଶ୍ଵକପ୍ ଟ୍ରଫି ମାଲକାନଗିରି ଜିଲ୍ଲାରେ ପହଞ୍ଚିଛି।
ସୂଚନା ଅନୁଯାୟୀ, ଗୋବିନ୍ଦପାଲିରେ ପହଞ୍ଚିବା ପରେ ଖଇରପୁଟ ଗୋଷ୍ଠୀ ଉନ୍ନୟନ ଅଧିକାରୀ ଟ୍ରଫିକୁ ସ୍ବାଗତ କରିଥିଲେ। ସେଠାରୁ ଏକ ବିଶାଳ ମୋଟର ସାଇକେଲ ଶୋଭଯାତ୍ରାରେ ଏହା ମାଥିଲିରେ ପହଞ୍ଚିଥିଲା। ସଦର ମହକୁମାଠାରେ ପହଞ୍ଚିବା ପରେ ପୌର ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଟ୍ରଫିକୁ ସ୍ବାଗତ କରିଥିଲେ। ଏକ ବିରାଟ ଶୋଭାଯାତ୍ରାରେ ଡିଏନକେ ଖେଳ ପଡ଼ିଆ ଯାଏ ଟ୍ରଫି ନିଆଯାଇଥିଲା । ସ୍ଥାନୀୟ ଜନ ପ୍ରତିନିଧି ଏବଂ ଜିଲ୍ଲପାଳଙ୍କ ସମେତ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଟ୍ରଫିକୁ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା।
