କ୍ଲାସିଫିକେସନ ମ୍ୟାଚରେ ଦକ୍ଷିଣ ଆଫ୍ରିକାକୁ ହରାଇଲା ଭାରତ

ନନ୍ଦିଘୋଷ ବ୍ୟୁରୋ: କ୍ଲାସିଫିକେସନ ମ୍ୟାଚରେ ଦକ୍ଷିଣ ଆଫ୍ରିକାକୁ ହରାଇଲା ଭାରତ । ଚଳିତ ବିଶ୍ବକପର ଶେଷ କ୍ଲାସିଫିକେସନ ମ୍ୟାଚରେ କଙ୍ଗାରୁ ଦଳକୁ ୦-୩ ଗୋଲରେ ପରାସ୍ତ କରିଛି ଟିମ୍ ଇଣ୍ଡିଆ । ଆଜି ହକି ବିଶ୍ବକପ୍‌ରେ ଖେଳାଯାଇଥିଲା ୪ଟି କ୍ଲାସିଫିକେସନ ମ୍ୟାଚ । ରାଉରକେଲା ବିର୍ସା ମୁଣ୍ଡା ଷ୍ଟାଡିୟମରେ ମୁହାଁମୁହିଁ ହୋଇଥିଲେ ୮ଟି ଟିମ୍ । ପ୍ରଥମ ମ୍ୟାଚରେ ଜାପାନକୁ ୨-୩ ଗୋଲରେ ହରାଇଥିଲା ମାଲେସିଆ । ଦ୍ବିତୀୟ ମ୍ୟାଚରେ ଚିଲିଠାରୁ ୨-୪ ଗୋଲରେ ଫ୍ରାନ୍ସ ବିଜୟୀ ହୋଇଥିଲା ।

ସେହିପରି ଅପରାହ୍ନ ୪ଟା ୩୦ରେ ଆର୍ଜେଣ୍ଟିନା ଓ ଓ୍ବେଲସ ମଧ୍ୟରେ ମୁକାବିଲା ହୋଇଥିଲା । ତେବେ ଏକପାଖିଆ ଭାବେ ଓ୍ବେଲସକୁ ୦-୬ ଗୋଲରେ ହରାଇଥିଲା ଆର୍ଜେଣ୍ଟିନା । ସଂଧ୍ୟା ୭ଟାରେ ଦକ୍ଷିଣ ଆଫ୍ରିକାକୁ ଭେଟିଥିଲା ଭାରତ । ଏଥିରେ ଦକ୍ଷିଣ ଆଫ୍ରିକାକୁ ୦-୩ ଗୋଲରେ ହରାଇଛି ଭାରତ । ଆସନ୍ତାକାଲି ତୃତୀୟ ସ୍ଥାନ ପାଇଁ ଅଷ୍ଟ୍ରେଲିଆ ଓ ନେଦଲାଣ୍ଡସ ମଧ୍ୟରେ ହେବ ମୁକାବିଲା । କଳିଙ୍ଗରେ ହେବ ଫାଇନାଲ ଲଢେଇ । ଚଳିତ ବିଶ୍ବକପରେ ଫାଇନାଲରେ ପହଞ୍ଚିଛନ୍ତି ଜର୍ମାନୀ ଓ ବେଲଜିୟମ ।