ବିଶ୍ୱକପ ପୂର୍ବରୁ ସଜେଇ ହେଇଛି ଷ୍ଟିଲ ସିଟି
ରାଉରକେଲା: ବିଶ୍ୱକପ ପୂର୍ବରୁ ସଜେଇ ହେଇଛି ରାଉରକେଲା ସହର । ବିଭିନ୍ନ ସ୍ଥାନରେ ସୈନ୍ଦର୍ଯ୍ୟକରଣ ସହ କୋଏଲ ନଗର ଠାରେ ୩୨ ଏକର ଜମିରେ ନିର୍ମାଣ ହେଉଛି ପାର୍କ । ଛୋଟ ପିଲା ଓ ବୟସ୍କଙ୍କ ପାଇଁ ଅଲଗା ଅଲଗା ବୋଟିଂ ଵ୍ୟଵସ୍ଥା ସହ ଫୁଡ ପ୍ଲାଜା, ମଲ୍ଟି ପର୍ପଜ ମଣ୍ଡପ, ପିକନିକ୍ ପିଣ୍ଡି, ଯୋଗ କରିବା ସ୍ଥାନ ନିର୍ମାଣ କରାଯାଉଛି ।
ଗୋଟିଏ ସ୍ଥାନରେ ସହରଵାସୀଙ୍କୁ ସୁଲଭ ମୂଲ୍ୟରେ ମନୋରଞ୍ଜନର ସମସ୍ତ ସୁବିଧା ଯୋଗାଇ ଦେବାକୁ ଲକ୍ଷ୍ୟ ରଖାଯାଇଛି । ହକି ବିଶ୍ଵ କପ ପୁର୍ବରୁ ରାଉରକେଲା ସହରର ସୈନ୍ଦର୍ଯ୍ୟକରଣ କାର୍ଯ୍ୟ କରାଯାଉଥିବାରୁ ରାଉରକେଲା ସହରବାସୀ ଏହାକୁ ସ୍ବାଗତ କରିବା ସହ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।
ଓଡ଼ିଶା ସରକାର ରାଜ୍ୟରେ ବିଶ୍ୱକପ ହକି ଆୟୋଜନ କରି ସଫଳ ହୋଇଥିବାବେଳେ ପୁନର୍ବାର ରାଉରକେଲାରେ ଆୟୋଜିତ ହେବାକୁ ଯାଉଛି ହକି ବିଶ୍ୱକପ । ତେବେ ବିଶ୍ୱକପ ପାଇଁ ଓଡିଶା ସରକାର ରାଉରକେଲାରେ ଏକ ଷ୍ଟାଡିୟମ ନିର୍ମାଣ କରୁଥିବାବେଳେ କ୍ରୀଡାର ଭିତ୍ତିଭୂମିକୁ ସୁଦୃଢ କରିଛନ୍ତି ସରକାର । ତେବେ ଆଗକୁ ରାଉରକେଲାରେ ହିଁ ଜୁନିୟର ହକି ବିଶ୍ୱକପ ଆୟୋଜିତ ହେବାକୁ ଯାଉଥିବାବେଳେ ସଜେଇ ହେଉଛି ରାଉରକେଲା ।
