କଳିଙ୍ଗରେ ଆଜିଠୁ ସେମିଫାଇନାଲ ଟକ୍କର

ଭୁବନେଶ୍ୱର:  ହକି ବିଶ୍ବକପରେ ଆଜିଠାରୁ ଆରମ୍ଭ ହୋଇଛି ସେମିଫାଇନାଲ ଟକ୍କର । କମ୍ପୁଛି କଳିଙ୍ଗ ଷ୍ଟାଡିୟମ । ଫାଇନାଲ ଟିକେଟ ପାଇଁ ଟର୍ଫକୁ ଓହ୍ଲାଇଛନ୍ତି 4ଟି ଟିମ୍ । ପ୍ରଥମ ସେମିରେ ଅଷ୍ଟ୍ରେଲିଆକୁ ଭେଟିଛି ଜର୍ମାନୀ । ଅଷ୍ଟ୍ରେଲିଆ ଏବେ ବିଶ୍ୱର ଏକ ନମ୍ବର ରାଙ୍କିଙ୍ଗ ଟିମ ସହ ବିଶ୍ବକପରେ ଦଳ ଅପରାଜେୟ ରହିଛି । ତେଣୁ ଏହି ଧାରା ଜାରି କରିବା ଲକ୍ଷ୍ୟରେ କଙ୍ଗାରୁ ଦଳ । ସେହିପରି ସନ୍ଧ୍ୟା ୭ଟାରେ ଦ୍ବିତୀୟ ସେମିରେ ଗତଥର ଚାମ୍ପିଅନ ବେଲଜିୟମ ଓ ନେଦାରଲ୍ୟାଣ୍ଡସ ମଧ୍ୟରେ ହେବ ଟକ୍କର ।

ବିଶ୍ବର 4 ଟି ଶ୍ରେଷ୍ଠ ଟିମ ସେମିରେ ପ୍ରବେଶ କରିଛନ୍ତି । ଯେଉଁ ଟିମ ଶ୍ରେଷ୍ଠ ପ୍ରଦର୍ଶନ କରିବ ସେହି ଟିମ ଫାଇନାଲକୁ ଯିବ । ଚଳିତ ବିଶ୍ବକପର ପ୍ରଦର୍ଶନ ଆଧାରରେ ଅଷ୍ଟ୍ରେଲିଆ ଓ ନେଦାରଲ୍ୟାଣ୍ଡ୍ସ ଭଲ ପ୍ରଦର୍ଶନ କରୁଥିବା ବେଳେ ଏହି ଦୁଇଟି ଟିମ ଫାଇନାଲ ଯିବାର ସମ୍ଭାମନା ଅଧିକ ରହିଛି ।