କଲେଜ ସ୍ତରରୁ ସୃଷ୍ଟି ହେବେ ହକି ଖେଳାଳି

ରାଉରକେଲା: ହକିକୁ ମିଳିବ ପ୍ରୋତ୍ସାହନ । କଲେଜ୍ ସ୍ତରରୁ ସୃଷ୍ଟି ହେବେ ଖେଳାଳି । ରାଜ୍ୟ ସରକାରଙ୍କ ପକ୍ଷରୁ ନିଆଯାଉଛି ପଦକ୍ଷେପ । ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀ ରାଉରକେଲା ଗସ୍ତ ଅବସରରେ ଏପରି ସୂଚନା ଦେଇଛନ୍ତି । ରାଜ୍ୟରେ ଉଚ୍ଚଶିକ୍ଷାର ବିକାଶ ପାଇଁ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପଦକ୍ଷେପ ନିଆଯିବା ସହ ମୋ କଲେଜ କାର୍ଯ୍ୟକ୍ରମକୁ ବ୍ୟାପକ କରାଯାଉଛି । କଲେଜର ବିକାଶ ପାଇଁ କଲେଜର ପୁରାତନ ଛାତ୍ରଛାତ୍ରୀ ଓ ଜନସାଧାରଣଙ୍କ ସହଯୋଗ ନିଆଯାଉଛି । ଏହି ଅବସରର କଲେଜର ଅଧ୍ୟାପକ ଓ ଛାତ୍ରଛାତ୍ରୀମାନଙ୍କ ସହ ମନ୍ତ୍ରୀ ଆଲୋଚନା କରିଛନ୍ତି ।

ସହରର ନୀଳଶୈଳ କଲେଜ, ବନ୍ଧମୁଣ୍ଡା କଲେଜ, ମ୍ୟୁନିସିପାଲ କଲେଜ ଓ ରାଉରକେଲା ସରକାରୀ ସ୍ବୟଂ ଶାସିତ କଲେଜ ଗସ୍ତ କରି ସ୍ଥିତି ଅନୁଧ୍ୟାନ କରିଛନ୍ତି ମନ୍ତ୍ରୀ । କ୍ରୀଡା ସହିତ ଶିକ୍ଷାର ସୁବ୍ୟବସ୍ଥା ପାଇଁ ରାଜ୍ୟ ସରକାରଙ୍କ ପଦକ୍ଷେପକୁ ଛାତ୍ରଛାତ୍ରୀ ସ୍ବାଗତ କରିବା ସହ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି ।

ରାଉରକେଲା ସହରରେ ପୁରୁଷ ହକି ବିଶ୍ବକପ ଆରମ୍ଭ ହେଵା ପୁର୍ବରୁ ହକି ଖେଳକୁ ପ୍ରୋତ୍ସାହନ ଯୋଗାଇ ଦେଵା ପାଇଁ କଲେଜ ସ୍ତରୀୟ ହକି ପ୍ରତିଯୋଗିତା ଆୟୋଜନ କରାଯିଵ ବୋଲି ମନ୍ତ୍ରୀ ସୂଚନା ଦେଇଛନ୍ତି ।