ମାଲେସିଆକୁ ହରାଇ ଏସିଆନ ଚାମ୍ପିଆନ୍ସ ଟ୍ରଫି ଜିତିଲା ହକି ଇଣ୍ଡିଆ

ଚେନ୍ନାଇ: ଏସିଆନ ଚାମ୍ପିଆନ୍ସ ଟ୍ରଫି ହକି 2023 । ଚତୁର୍ଥ ଥର ପାଇଁ ଭାରତ ଚାମ୍ପିଆନ । ଫାଇନାଲରେ ମାଲେସିଆକୁ 4-3 ଗୋଲରେ ପରାସ୍ତ କରି ଟୁର୍ଣ୍ଣାମେଣ୍ଟ ଜିତିଛି ଭାରତ । ହାଫ ଟାଇମ ସୁଦ୍ଧା 3-1 ଗୋଲରେ ପଛୁଆ ଥିବା ଭାରତ ଦ୍ଵିତୀୟ ହାଫରେ ଦମଦାର କମବ୍ୟାକ କରିଥିଲା । ମ୍ୟାଚର 45 ମିନିଟରେ ପେନାଲଟି ସୁଟ ଆଉଟରେ ଅଧିନାୟକ ହରମନପ୍ରୀତ ଭାରତର ଦ୍ଵିତୀୟ ଗୋଲ ସ୍କୋର କରିବା ସହ ଭାରତକୁ କମବ୍ୟାକ କରାଇଥିଲେ । ଏହା ପରେ ଗୁରଯନ୍ତ ସିଂ ଏକ ଗୋଲ ସ୍କୋର କରି ମ୍ୟାଚରେ ଭାରତକୁ ବରାବର କରାଇଥିଲେ । ମ୍ୟାଚର 56 ମିନିଟରେ ଆକାଶଦୀପ ସିଂ ଗୋଲ ସ୍କୋର କରିବା ସହ ଭାରତକୁ ବିଜୟୀ କରିଥିଲେ । ମାଲେସିଆ ପକ୍ଷରୁ ଚତୃର୍ଥ ଗୋଲ ଦେବା ପାଇଁ ବାରମ୍ବାର ଚେଷ୍ଟା କରାଯାଉଥିଲେ ମଧ୍ୟ ବିଫଳ ହୋଇଥିଲେ ।