ମହିଳା ଏସିଆ କପ୍ ହକି ପାଇଁ ଦଳ ଘୋଷଣା କଲା ହକି ଇଣ୍ଡିଆ, ସବିତା ଅଧିନାୟକ, ଦୀପଗ୍ରେସ ଉପ-ଅଧିନାୟକ

ନୂଆଦିଲ୍ଲୀ: ଆସନ୍ତା ଜାନୁଆରୀ ୨୧ରୁ ହେବାକୁ ଥିବା ମହିଳା ଏସିଆ କପ୍ ପାଇଁ ୧୮ ଜଣିଆ ଦଳ ଘୋଷଣା କରିଛି ହକି ଇଣ୍ଡିଆ । ଓମାନରେ ହେବାକୁ ଥିବା ମହିଳା ଏସିଆ କପ୍ ହକିରେ ଭାରତୀୟ ଦଳର ନେତୃତ୍ୱ ନେବେ ସବିତା ପୁନିଆ । ସେହିପରି ଭାରତୀୟ ମହିଳା ଦଳର ଉପ ଅଧିନାୟକ ଭାବରେ ଓଡ଼ିଆ ଝିଅ ଦୀପଗ୍ରେସ ଏକ୍କାଙ୍କୁ ସୁଯୋଗ ମିଳିଛି । ଏହି ପ୍ରତିଯୋଗିତା ଚଳିତ ମାସ ୨୧ ତାରିଖରୁ ଆରମ୍ଭ ହୋଇ ୨୮ ତାରିଖ ପର୍ଯ୍ୟନ୍ତ ଚାଲିବ । ମହିଳା ଏସିଆ କପ୍ ହକି ପାଇଁ ଚୟନ ହୋଇଥିବା ଦଳରେ ଦୀପଗ୍ରେସ ଏକ୍କାଙ୍କ ସହ ଦ୍ୱିତୀୟ ଓଡ଼ିଆ ଖେଳାଳି ଭାବରେ ମାରିଆନା କୁଜୁର ସାମିଲ ହୋଇଛନ୍ତି ।

? TEAM NEWS ?

Hockey India names an 18-member Indian Hockey Team for the Women's Hockey Asia Cup Muscat, Oman 2022. ?

To check out all the names, have a peek at the link mentioned ?? https://t.co/wk69DX3ipH#IndiaKaGame

— Hockey India (@TheHockeyIndia) January 12, 2022

ଏହି ପ୍ରତିଯୋଗିତାରେ ଭାରତ ସମେତ, ଚୀନ୍, ଇଣ୍ଡୋନେସିଆ, ଦକ୍ଷିଣ କୋରିଆ, ଜାପାନ,ଥାଇଲାଣ୍ଡ , ମାଲେସିଆ ଓ ସିଙ୍ଗାପୁର ଦଳ ଅଂଶଗ୍ରହଣ କରୁଛନ୍ତି। ଏହି ଟୁର୍ଣ୍ଣାମେଣ୍ଟର ଟପ୍-୪ରେ ଥିବା ଦଳ ୨୦୨୨ରେ ସ୍ପେନ ଓ ନେଦରଲାଣ୍ଡ୍ସରେ ହେବାକୁ ଥିବା ବିଶ୍ୱକପ ପାଇଁ ଯୋଗ୍ୟତା ଅର୍ଜନ କରିବେ । ଏହି ଟୁର୍ଣ୍ଣାମେଣ୍ଟରେ ଭାରତ ଜାନୁଆରୀ ୨୧ରେ ମାଲେସିଆ ବିପକ୍ଷରେ ପ୍ରଥମ ମ୍ୟାଚ ଖେଳିବ । ସେହିପରି ଜାନୁଆରୀ ୨୩ରେ ଜାପାନକୁ ଭେଟୁଥିବାବେଳେ ଶେଷ ଲିଗ୍ ମ୍ୟାଚ ଜାନୁଆରୀ ୨୪ରେ ସିଙ୍ଗାପୁର ବିପକ୍ଷରେ ଖେଳିବ । ଜାନୁଆରୀ ୨୬ରେ ଏହି ଟୁର୍ଣ୍ଣାମେଣ୍ଟର ସେମିଫାଇନାଲ ଖେଳାଯାଉଥିବାବେଳେ ଜାନୁଆରୀ ୨୮ରେ ଖେଳାଯିବ ଗ୍ରାଣ୍ଡ ଫାଇନାଲ ।