ଖୁସି ଖବର- ଆପେ ଆପେ ଜଣଙ୍କ ଶରୀର ହେଲା HIV ମୁକ୍ତ
1 min read
ନୂଆଦିଲ୍ଲୀ: ଦୁନିଆର ପ୍ରଥମ ମାମଲା । ଯେଉଁଠି ବିନା କୌଣସି ଚିକିତ୍ସାରେ ଜଣେ HIVରୁ ସୁସ୍ଥ ହୋଇଛନ୍ତି । ଜଣେ ବ୍ୟକ୍ତିଙ୍କ ଇମ୍ୟୁନ୍ ସିଷ୍ଟମ୍ ଏହି ଭୟଙ୍କର ଭାଇରସକୁ ସମ୍ପୂର୍ଣ୍ଣ ଭାବେ ଶେଷ କରି ଦେଇଛି ଓ ସଂକ୍ରମିତ ବ୍ୟକ୍ତି ଜଣକ ସୁସ୍ଥ ଅଛନ୍ତି । ଏହି ମାମଲାକୁ ନେଇ ବୈଜ୍ଞାନିକ ମାନେ ଯେ କେବଳ ଆଶ୍ଚର୍ଯ୍ୟ ପ୍ରକାଶ କରିଛନ୍ତି ତା ନୁହେଁ, ବରଂ HIV ଚିକିତ୍ସା କ୍ଷେତ୍ରରେ ଏହା ବେଶ୍ ସହାୟକ ହେବ ।
୨୬ ଅଗଷ୍ଟରେ ଏକ ମ୍ୟାଗାଜିନରେ ପ୍ରକାଶିତ ରିପୋର୍ଟ ମୁତାବକ, ଉକ୍ତ ବ୍ୟକ୍ତିଙ୍କ ଶରୀରରେ HIVର ସକ୍ରିୟ ଭାଇରସ୍ ନାହିଁ । ଏହାର ଅର୍ଥ ସେ HIV ସଂକ୍ରମିତ ହୋଇଥିଲେ ଓ ଆପେ ଆପେ ଠିକ୍ ହୋଇ ଯାଇଛନ୍ତି । ଏହି ମାମଲା ସାମନାକୁ ଆସିବା ପରେ ଡାକ୍ତର ଶରୀରରେ ଥିବା ୧.୫ ବିଲିୟନ୍ ଅର୍ଥାତ୍ ୧୫୦ କୋଟି କୋଶିକା (ରକ୍ତ କଣିକା)ର ଯାଞ୍ଚ କରିଥିଲେ । ଏହି ରୋଗୀଙ୍କୁ EC2 ନାମ ଦିଆଯାଇଛି ।
ସୂଚନାଯୋଗ୍ୟ ଯେ, ଏହା ପୂର୍ବରୁ ଶରୀରରେ ଦୁଇଥର ବୋନ୍ ମୈରୀ ଟ୍ରାନ୍ସପ୍ଲାଣ୍ଟ ଦ୍ୱାରା HIV ଠିକ୍ ହୋଇଛି । ଏହା ଦ୍ୱାରା ଶରୀରରେ HIV ଭୂତାଣୁ ବହୁତ ଶୀଘ୍ର କମିଥାଏ ଓ ପୁଣି ଲେଉଟି ଆସିନଥାଏ । କିନ୍ତୁ, ଶରୀରର ଇମ୍ୟୁନ୍ ସିଷ୍ଟମ ନିଜେ ନିଜେ HIV ସହ ଲଢ଼ି ତାକୁ ଖତମ କରିଦେବା, ତାହା ପୁଣି ବିନା କାହା ସହାୟତାରେ । ଏପରି ଚିକିତ୍ସା ବିଜ୍ଞାନରେ ପ୍ରଥମଥର ହୋଇଛି ।
ଏହା ପରେ ଅନ୍ୟ ଜଣେ ବ୍ୟକ୍ତିଙ୍କ ପରୀକ୍ଷା କରାଯାଇଛି । ଯାହାଙ୍କ ନାମ ଦିଆଯାଇଛି EC1 । ତାଙ୍କ ଶରୀରରେ ଥିବା ୧୦୦ କୋଟି ରକ୍ତ କଣିକାର ଯାଞ୍ଚ କରାଯିବା ପରେ କେବଳ ଗୋଟିଏରେ ମିଳିଛି ସକ୍ରିୟ ଭାଇରସ୍ । କିନ୍ତୁ ତାହା ଜେନେଟିକାଲି ନିଷ୍କ୍ରିୟ । ଅର୍ଥାତ୍ ଏହି ଦୁଇ ଜଣଙ୍କ ଶରୀରରେ ଜେନେଟିକ୍ସ ପ୍ରକାରେ ଉଭୟଙ୍କ ଠାରେ HIV ଭୂତାଣୁ ଖତମ ହୋଇଯାଇଛି ।
ଯାଞ୍ଚ ପରେ ବୈଜ୍ଞାନିକ ଉଭୟଙ୍କୁ ଏଲଟି କଣ୍ଟ୍ରୋଲର୍ସ ନାମ ଦେଇଛନ୍ତି । ଏଲଟି କଣ୍ଟ୍ରୋଲର୍ସ ଅର୍ଥ ହେଉଛି- ଯେଉମାନଙ୍କ ଶରୀରରେ HIV ଅଛି । କିନ୍ତୁ ତାହା ନିଷ୍କ୍ରିୟ ଅବା ଏତେ କମ୍ ପରିମାଣରେ ରହିଛି ଯାହାକୁ ବିନା ଔଷଧରେ ଠିକ୍ କରାଯାଇ ପାରିବ । ସେମାନଙ୍କ ଶରୀରରେ HIVର ଲକ୍ଷଣ ଅଥବା ଭୂତାଣୁ ଦ୍ୱାରା ହେଉଥିବା କ୍ଷତି ଦେଖାଯାଏ ନାହିଁ ।
କାଲିଫର୍ଣ୍ଣିଆ ବିଶ୍ୱବିଦ୍ୟାଳୟରେ HIV ଉପରେ ଅଧ୍ୟୟନ କରୁଥିବା ସତ୍ୟା ଡାଣ୍ଡେକର କହିଛନ୍ତି- ଏହା କିଛି ମାସ ବା ବର୍ଷର କଥା ନୁହେଁ । ଏହା ବହୁତ ଅଧିକ ଲମ୍ବା ସମୟରୁ ବିକଶିତ ହୋଇଥିବା ଇମ୍ୟୁନ୍ ସିଷ୍ଟମ ଦେଖାଯାଉଛି । ଦୁନିଆର ୩.୫୦ କୋଟି ଲୋକ HIV ସଂକ୍ରମିତ ହୋଇଥିବା ବେଳେ ସେମାନଙ୍କ ମଧ୍ୟରୁ ୯୯.୫୦ ପ୍ରତିଶତ ଲୋକଙ୍କୁ ପ୍ରତିଦିନ ଆଣ୍ଟିରେଟ୍ରୋୱାଇରଲ୍ ଔଷଧ ଅର୍ଥାତ HIV ମେଡିସିନ୍ ନେବାକୁ ପଡ଼େ । ବିନା ଔଷଧରେ ଏହି ରୋଗ ଉପରେ ନିୟନ୍ତ୍ରଣ ଅସମ୍ଭବ ।
ସତ୍ୟାଙ୍କ ଅନୁଯାୟୀ- ଏଯାବତ୍ କୌଣସି ବୈଜ୍ଞାନିକ ଏଲଟି କଣ୍ଟ୍ରୋଲର୍ସର ଇମ୍ୟୁନ୍ ସିଷ୍ଟମ ଓ HIV ମଧ୍ୟରେ ହେଉଥିବା ସଂଘର୍ଷକୁ ରେକର୍ଡ କରିଛନ୍ତି ନା ଏନେଇ ରିପୋର୍ଟ ପ୍ରସ୍ତୁତ କରିଛନ୍ତି । ସମସ୍ତ ମଣିଷଙ୍କ ଶରୀରର ପ୍ରତିରୋଧକ ପ୍ରଣାଳି ଅର୍ଥାତ୍ ଇମ୍ୟୁନ୍ ସିଷ୍ଟମ ଉପରେ HIV ଭୂତାଣୁ ଆକ୍ରମଣ ଉପରେ ଆମେ ଧ୍ୟାନ ଦେଇନୁ । ଏଥିପାଇଁ ଯେବେ କାହାକୁ ଏଲଟି କଣ୍ଟ୍ରୋଲ ଘୋଷଣା କରାଯାଏ । ସେତେବେଳେ ସିଏ HIVକୁ ପରାସ୍ତ କରି ସାରିଥାଏ ।
ବୈଜ୍ଞାନିକ ମାନେ ଏହା ବି ମାନନ୍ତି ଉଭୟଙ୍କ ଶରୀରରେ HIVର କମଜୋର ଭୂତାଣୁ ଥାଇପାରେ । ବୈଜ୍ଞାନିକ ୬୪ ଏଲଟି କଣ୍ଟ୍ରୋଲର୍ସ ଶରୀରରେ HIV ସଂକ୍ରମଣର ଅଧ୍ୟୟନ କରିଛନ୍ତି । ଏଥିରୁ ୪୧ ଜଣ ଆଣ୍ଟିରେଟ୍ରୋୱାଇରାଲ ଔଷଧ ନେଉଥିଲେ । କିନ୍ତୁ ଆକ୍ରାନ୍ତ EC2 କୌଣସି ଔଷଧ ନେଇ ନଥିଲେ ମଧ୍ୟ HIV ସମ୍ପୂର୍ଣ୍ଣ ଭାବେ ନିଷ୍କ୍ରିୟ ହୋଇଯାଇଛି ।
