ସରିଲା ଐତିହାସିକ କଟକ ବାଲିଯାତ୍ରା, ୯ ଦିନରେ ୨୫୦ କୋଟି ଟଙ୍କାର ବେପାର

କଟକ: ଶେଷ ହେଲା ଐତିହାସିକ କଟକ ବାଲିଯାତ୍ରା । ଗତକାଲି ଥିଲା ଉଦଯାପନୀ ସନ୍ଧ୍ୟା । ୯ ଦିନ ଧରି ମହାନଦୀ ପଠାରେ ଜମିଥିଲା କିଣାବିକାର ମେଳା । ପ୍ରତିଦିନ ଲକ୍ଷାଧିକ ଲୋକଙ୍କ ସମାଗମ ହୋଇଥିଲା ।

ପ୍ରତିବର୍ଷ କରି ଚଳିତବର୍ଷ ମଧ୍ୟ ବାଲିଯାତ୍ରା ଜମିଥିଲା । ନାଚଗୀତକୁ, କିଣାବିକାରେ ଉଛୁଳି ଉଠିଥିଲା ମହାନଦୀ ପଠା । ପରିବାର, ସାଙ୍ଗ. ପରିଜନ ସହ ବାଲିଯାତ୍ରା ବୁଲି ଭରପୂର ମଜା ଉଠାଇଥିଲେ ଲୋକେ । ପ୍ରତିଦିନ ସାଂସ୍କୃତିକ କାର୍ଯ୍ୟକ୍ରମର ଉପଭୋଗ କରିବା ସହ ଯୁବ ପୀଢି ଓ ପିଲାମାନେ ଦୋଳି ଖେଳିଥିଲେ । ଏହାସହ ସୁସ୍ବାଦୁ ଖାଦ୍ଯର ମଜା ନେଇଥିଲେ ଲୋକମାନେ ।

ଏଥର ବାଲିଯାତ୍ରାରେ ମୋଟ ୨୫୦ କୋଟିର ବ୍ଯବସାୟ ହୋଇଛି । କେବଳ ଓରମାସରେ ଏକାକୀ ୪୦ କୋଟି ଟଙ୍କାର ବିକ୍ରିବଟା କରିଥିବା କଟକ ଜିଲ୍ଲାପାଳ କହିଛନ୍ତି ।