ହୀରାକୁଦ ଡ୍ୟାମର ଜଳସ୍ତର ହେଉଛି ୬୨୫.୦୪ଫୁଟ; ୨୬ଟି ଗେଟ୍ ଦେଇ ନିଷ୍କାସିତ ହେଉଛି ବନ୍ୟାଜଳ
ସମ୍ୱଲପୁର: ହୀରାକୁଦ ପାଣି ଛାଡିବା ପରେ ବଢୁଛି ବିଭିନ୍ନ ନଦୀର ଜଳସ୍ତର । ମହାନଦୀରେ ଆସିଛି ବନ୍ୟା । ବିଭିନ୍ନ ସ୍ଥାନରେ ପାଣି ପଶିବା ଆରମ୍ଭ କଲାଣି । ମୁଣ୍ଡଳୀରେ ବିପଦ ସଙ୍କେତ ଟପିଛି ମହାନଦୀ । ଏଠାରୁ ୧୧ ଲକ୍ଷ ୬୦ ହଜାର ୯୦୦ କ୍ୟୁସେକ ପାଣି ପ୍ରବାହିତ ହେଉଛି । ସେହିପରି ନରାଜରୁ କାଠଯୋଡିକୁ ୫ ଲକ୍ଷ ୬୬ ହଜାର ୪୬୦ କ୍ୟୁସେକ ଜଳ ପ୍ରବାହିତ ହେଉଛି । ଯୋବ୍ରାରେ ମହାନଦୀକୁ ୫ ଲକ୍ଷ ୫୫ ହଜାର କ୍ୟୁସେକ ଜଳ ପ୍ରବାହିତ ହେଉଛି ସେହିପରି । ମହାନଦୀ ମୁଣ୍ଡୁଳିରେ ଉପର ମୁଣ୍ଡ ଜଳସ୍ତର 97 ଦଶମିକ 20 ଫୁଟ ରହିଛି । ଏଠାରେ ବିପଦ ସଙ୍କେତ 97 ଦଶମିକ 25 ଫୁଟ । ସେହିପରି ଯୋବ୍ରାଠାରେ ବିପଦ ସଂକେତ ଉପରେ ପ୍ରବାହିତ ହେଉଛି ମହାନଦୀ । ଏଠାରେ ବିପଦ ସଂକେତ 21 ଦଶମିକ 94 ମିଟର ଥିବା ବେଳେ, 22 ମିଟର ରହିଛି ଜଳସ୍ତର ।
