ହିନ୍ଦୁ ରାଷ୍ଟ୍ର ଦାବି ରହିଗଲା ଅଧୁରା, ଜଳସମାଧି ନେବା ପୂର୍ବରୁ ସନ୍ଥ ଗିରଫ
ଅଯୋଧ୍ୟା: ଭାରତକୁ ଅକ୍ଟୋବର ଦୁଇ ତାରିଖ ସୁଧା ହିନ୍ଦୁ ରାଷ୍ଟ୍ର ଘୋଷିତ ନକଲେ ଜଳ ସମାଧି ନେବାକୁ ଘୋଷଣା କରିଥିବା ମହନ୍ତ ପରମହଂସଙ୍କୁ ପୋଲିସ ଶନିବାର ଦିନ ଗିରଫ କରିଛି। ସୂଚନାଯୋଗ୍ୟ ଯେ, ଅଯୋଧ୍ୟାର ତପସ୍ୱୀ ଛାଉଣୀର ଉତ୍ତରାଧିକାରୀ ମହନ୍ତ ପରମହଂସ ହିନ୍ଦୁ ରାଷ୍ଟ୍ର ମାନ୍ୟତା ଦାବିରେ ଶନିବାର ଦିନ ଜଳ ସମାଧି ନେବାକୁ ଆଗରୁ ଘୋଷଣା କରିଥିଲେ। ଯାହାକୁ ନେଇ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା ।
ମହନ୍ତଙ୍କ ଆଶ୍ରମକୁ ଚାରିପଟୁ ପୋଲିସ ଘେରାଉ କରିଥିଲା । ନିର୍ଦ୍ଧାରିତ ସମୟ ଆଗରୁ ପୋଲିସ ମହନ୍ତଙ୍କୁ ନିଜ ହେପାଜତକୁ ନେଇଥିଲା । ସୂଚନାଯୋଗ୍ୟ ଯେ, ଆଗରୁ ମଧ୍ୟ ଅନେକ ଥର ଏହି ଭଳି ଘୋଷଣା କରି ମହନ୍ତ ଚର୍ଚ୍ଚା ଭିତରକୁ ଆସିଛନ୍ତି ।
