ହିନ୍ଦୋଳ ବାଲିକିଆରୀ ଗାଁରେ 5 ଜଣିଆଁ ଭିଜିଲାନ୍ସ ଟିମର ତନାଘନା

ନନ୍ଦିଘୋଷ ବ୍ୟୁରୋ: ଭିଜିଲାନ୍ସ ଟିମର ଛାନବିନ। ଢେଙ୍କାନାଳ ହିନ୍ଦୋଳ ବାଲିକିଆରୀ ଗାଁରେ 5 ଜଣିଆଁ ଭିଜିଲାନ୍ସ ଟିମର ତନାଘନା। ଗାଁରେ ଗତ ଦୁଇ ବର୍ଷ ତଳେ ଲୋକମାନେ ଚାନ୍ଦା ଆଦାୟ କରି ୨ଲକ୍ଷ ଟଙ୍କା ସଂଗ୍ରହ କରି ବନବିଭାଗ ପାଖରେ ଜମା କରିଥିଲେ । ଏହା ପରେ ବନବିଭାଗ ବାକି ୧୮ଲକ୍ଷ ଟଙ୍କା ଦେଇ ଗାଁରେ ହାତୀ ଉପଦ୍ରବ ରୋକିବାକୁ ସୋଲାର ତାରବାଡ଼ ନିର୍ମାଣ କରିଥିଲେ । ମାତ୍ର ନାମକୁ ମାତ୍ର ଖୁଣ୍ଟ ପୋତି ବିଲ୍ କରି ନେଇଥିବା ଢେଙ୍କାନାଳ ଭିଜିଲାନ୍ସ ବିଭାଗ ନିକଟରେ ବନ ସୁରକ୍ଷା କର୍ମୀ ଦିବ୍ୟ ରଞ୍ଜନ ଦାସ ଅଭିଯୋଗ ଆଣିଥିଲେ । ଆଜି ସେହି ଅଭିଯୋଗ ଆଧାରେ ଗାଁରେ ୫ ଜଣିଆଁ ଭିଜିଲାନ୍ସ ଅଧିକାରୀ ପହଞ୍ଚି ତନାଘନା କରିଛନ୍ତି । ଗାଁ ଏବଂ ଫରେଷ୍ଟ କାର୍ଯ୍ୟାଳୟରେ ଛାନବିନ କରିଛି ଟିମ । କେବଳ ବାଲିକିଆରୀ ଗାଁରେ ୨୦ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ପୂରା ହିନ୍ଦୋଳ ରେଞ୍ଜରେ ଏକାଧିକ କୋଟି କୋଟି ଟଙ୍କା ଖର୍ଚ୍ଚ ହୋଇଛି । ହେଲେ ଖୁଣ୍ଟ ତାର କି ସୋଲାର ପ୍ଲେଟ କିଛି ବି ନାହିଁ । ସେପଟେ ଭିଜିଲାନ୍ସ ଅଧିକାରୀ ତଦନ୍ତ ଚାଲିଛି କହି ଘଟଣାସ୍ଥଳରୁ ପଳାଇ ଯାଇଛନ୍ତି ।