୪ ଡକାୟତଙ୍କୁ ଗୋଡ଼ାଇ ଗୋଡ଼ାଇ ଧରିଲା ପୋଲିସ: ସୁନା, କାର୍ ଓ ବୁଲେଟ ଜବତ

ଢେଙ୍କାନାଳ: ରାସୋଲ ବ୍ୟାଙ୍କ ଡକାୟତି ଘଟଣା । ଧରପଡିଲେ ୪ ଡକାୟତ । ଢେଙ୍କାନାଳ ଗୋବିନ୍ଦପୁର ଫାଣ୍ଡି ଅଧିନ ଏକ କୋଠାଘରୁ ଗୋଡ଼ାଇ ଧରିଲା ପୋଲିସ । ଡକାୟତଙ୍କୁ ପଚରା ଉଚରା କରୁଛି ପୋଲିସ । ସେମାନଙ୍କ ଠାରୁ ଲୁଟ ସୁନା, ଗୋଟିଏ କାର ଓ ଗୋଟିଏ ବୁଲେଟ ଜବତ କରାଯାଇଛି । ଜବତ ସୁନାର ମୁଲ୍ୟ କୋଟିଏରୁ ଅଧିକ ହେବ ବୋଲି ସୂଚନା ରହିଛି ।

ରାସୋଳ ଥାନା ଠାରୁ ୨୦୦ ମିଟରରେ ଥିବା ବ୍ୟାଙ୍କରୁ ଦିନ ଦ୍ୱି ପ୍ରହରରେ ହୋଇଥିଲା ଲୁଟ । କର୍ମଚାରୀ ଖାଇବା ଛୁଟିରୁ ଫେରିବା ବେଳେ ମାରଣାସ୍ତ୍ର ଦେଖାଇ ଅତର୍କିତ ଆକ୍ରମଣ କରି ଟଙ୍କା, ସୁନା ଓ ସିସିଟିଭି ହାର୍ଡଡିସ୍କ ଲୁଟ କରିଥିଲେ ଲୁଟେରା । ୪ ଜଣ ମୁଖାଧାରି ବ୍ୟାଙ୍କ୍ ଭିତରେ ପସିଥିବା ବେଳେ ବାହାରେ ଜଣେ ବ୍ୟକ୍ତି ଜଗି ରହିଥିଲା । ଦୁଇଟି ବୁଲେଟରେ ୫ ଜଣ ଆସିଥିଲେ । ସମସ୍ତେ ମୁଖା ପିନ୍ଧିବା ସହ ମାରଣାସ୍ତ୍ର ଏବଂ ଛୁରୀ ଧରି ଥିଲେ । ଡକାୟତଙ୍କ ଆକ୍ରମଣରେ କ୍ୟାସିଅର ଏବଂ ଫିଲ୍ଡ ଅଫିସର ଆହତ ହୋଇଛନ୍ତି । ବ୍ୟାଙ୍କରେ କୌଣସି ସିକୁରିଟି ନଥିବାର ଫାଇଦା ଉଠାଇ ଥିଲେ ଡାକାୟତ । ଖବର ପାଇ ହିନ୍ଦୋଳ ଏସଡିପି ପହଞ୍ଚି ସମସ୍ତଙ୍କୁ ଉଦ୍ଧାର କରି ବା ସହ ତଦନ୍ତ ଆରମ୍ଭ କରିଥିଲେ ।