China-India News : ଦକ୍ଷିଣ ପେଙ୍ଗୋଙ୍ଗରେ ଟ୍ୟାଙ୍କ୍ ଏବଂ ସୈନିକଙ୍କ ସଂଖ୍ୟା ବଢାଉଛି ଚୀନ

ନୂଆଦିଲ୍ଲୀ: ଲଦାଖରେ  ପେଙ୍ଗୋଙ୍ଗ୍ ହ୍ରଦରେ ଭାରତୀୟ ସେନା ଚାପରେ ପଛକୁ ଫେରିବାକୁ ବାଧ୍ୟ ହୋଇଥିବା ଚୀନ୍ ହ୍ରଦର ଦକ୍ଷୀଣ ତଟରେ ଟ୍ୟାଙ୍କ ଓ ସୈନିକଙ୍କ ସଂଖ୍ୟା ବଢାଇବାରେ ଲାଗିଛି । ସୂଚନାଯୋଗ୍ୟ ଯେ, ଦକ୍ଷିଣ ପେଙ୍ଗୋଙ୍ଗରେ ଚୀନ ସୀମା ଭିତରେ ସୈନିକଙ୍କ ସଂଖ୍ୟା ବୃଦ୍ଧି ପାଇଛି । ଚୀନ ସୀମା ମଧ୍ୟରେ ଥିବା ମୋଲ୍ଡ ଠାରୁ ସାମାନ୍ୟ ଦୂରରେ ଉକ୍ତ ଟ୍ୟାଙ୍କ ସବୁ ନଜର ଆସିଛି । କିନ୍ତୁ ଚୀନ ସେନାର ଗତିବିଧି ଉପରେ ନଜର ରଖିଛନ୍ତି ଭାରତୀୟ ସୈନିକ । ଅପର ପକ୍ଷରେ ଚୀନର ଗତିବିଧିକୁ ନଜରରେ ରଖି ଭାରତୀୟ ସୈନିକଙ୍କ ସଂଖ୍ୟା ମଧ୍ୟ ବଢାଇ ଦିଆଯାଇଛି । ଏଲଏସି ଠାରେ ସ୍ଥିତି ସୁଦୃଢ ପାଇଁ ଏଭଳି ନିଷ୍ପତ୍ତି ନିଆଯାଇଛି ।

ସୂଚନାଯୋଗ୍ୟ ଗଲଓ୍ୱାନ ଘାଟୀ ବିବାଦ ପରେ ଲିପୁଲେଖ ଏବଂ ମିଲନ ସୀମାରେ ସୈନିକ ଏବଂ ଆଇଟିବିପି ଜବାନଙ୍କୁ ମୃତୟନ କରାଯାଇଛି । ଏହି ଦୁଇ ସୀମା ଅଞ୍ଚଳ ୧୫ ହଜାର ଫୁଟ ଉଚ୍ଚରେ ଅବସ୍ଥିତ । ଲିପୁଲେଖ ସୀମା ପର୍ଯ୍ୟନ୍ତ ବିଆରଓ ସଡ଼କ ନିର୍ମାଣ କରାସାରିଛି,କିନ୍ତୁ ମିଲମ ପର୍ଯ୍ୟନ୍ତ ଚାଲି ଚାଲି ଆସିବା ଏବେ ମଧ୍ୟ କଠିନ କାର୍ଯ୍ୟ । ତେବେ ଯୁଦ୍ଧ ବିମାନ ସାହାଯ୍ୟରେ ଆକାଶ ମାର୍ଗରୁ ଚୀନର ଗତିବିଧି ଉପରେ ନଜର ରଖୁଛି ଭାରତ ।

୨୯-୩୦ ଅଗଷ୍ଟ ରାତିରେ ଭାରତର କଡ଼ା ଜବାବ ପରେ ଚୀନ ତା ସୈନିକଙ୍କୁ ପ୍ରତିକ୍ରିୟା ନେବାକୁ ଖୁଲମଖୁଲା ଛାଡ଼ି ଦେଇଛି । ଗତ ୪ ମାସ ଧରି ସୀମା ବିବାଦ ଲାଗି ରହିଛି । ଏହି ମଧ୍ୟରେ ଯୁଦ୍ଧନୀତିରେ ବରିବର୍ତ୍ତନ କରିଛି ସେନା । ଯଦିଓ ପ୍ରଥମେ ଶତ୍ରୁକୁ ଆକ୍ରମଣ କରାଯାଉନଥିଲା, ଏବେ କିନ୍ତୁ ଚୀନର ଗତିବିଧିକୁ ନଜରରେ ରଖି ନୋ ଫଷ୍ଟ ମୁଭ୍ ନୀତିକୁ ବଦଳାଇ ଦେଇଛି ଭାରତ ।